أوقح عصابة
ياجماعة أنا ساكن بالروضة ومعي فورد كراون فيكتوريا وتم كسر زجاج الموتر للسائق وسرقة الأستبنة في صباح يوم وأنا كنت بروح للعمل المهم صلحت الزجاج وماشريت أستبنة وبعدها حرمت أوقف الموتر بالشارع وصرت أوقفه داخل البيت وجلست عشر أيام على هالحال والمضحك بعد أسبوع وقفت الموتر بعد صلاة العشاء لمدة ساعتين في الشارع وطلعت ولقيت الشنطة مفتوحة ومرتفعة والقزاز سليم إستغربت مع إني متاكد 100% إني مقفل السيارة ركبت ولقيتهم سارقين المسجل ! وإكتشفت
أنهم بجحين!!! بسرقتهم الأولى حفظو الرقم السري إللي موجود على شنطة السيارة ورجعوا بعد أسبوع كأنهم ناسين شي لهم !! ملكهم !! يخصهم !! وأخذوا المسجل ! كأنه حلال أبوهم وناسينه, ولا... فتشوا عن الأستبنة الجديدة ومالقوا لأني ماشريت أصلاً، بصراحة أوقح عصابة راجعين بكل ثقة وفاتحين السيارة بالرقم السري بعز حركة العالم بعد صلاة العشاء لكن ربك بالمرصاد لمثل هذه العصابات والحمد لله على كل حال وله الشكر بكل وقت ومن ثم نشكر رجال أمننا البواسل لجهودهم في حفظ أمن بلدهم ولهم منا الدعاء ليل نهار.
(منقول)
__________________
|