[poem=font="Simplified Arabic,4,black,normal,normal" bkcolor="transparent" bkimage="backgrounds/14.gif" border="none,4,gray" type=0 line=0 align=center use=ex num="0,black"]
يافريح منهو للوحيد اللـى بـلاه=حيف دنيا غرَّته بـاول دهَرهـا

ضاع عمره والقلم يكتـب رثـاه=يونس بروحه ولكـن ماخبرهـا

انتثر همّه علـى سفـح الصفـاه=جلمَدٍ حف الشتا صفحة صخرهـا

لا رجـا حبـل المـودَّه مالقـاه=لعنبوهـا معوقِـده للـي سبرهـا

ولاعمد ينسـى عذابـه مانسـاه=مِجمَل جروحه تجي باْول سَطْرها

بعض ربعه سلَّمـوا لـه بالوفـاه=يوم شافوا علِّتـه تدفـن اْثرهـا

جر مكنـون العـذاب الفيـن آآه=والهبايب والفـت لفحـة قهرهـا

حدت حروفه على محجر هـواه=والمناوي جفّت وماحـدٍ عَبرها

واْشتكي ياعيـن مـاودِك وصـاه=حيث دمع العين يستافي عِـبَرها

والذي قد ارسل احمد فـي هـداه=وبين الايـات حتـى نعتبرهـا

وهقتنـي والنبـا يتـلا صــداه=والغوانـي ماتهيـا الا بمهرهـا

صرت فيها مثل محكـور بنفـاه=والحلا داخل صورها مع ثمرهـا

روضةٍ شامت عن اقدامي تطـاه=عيّت انفـال المعانـي تختبرهـا

لياضحكت تَفزَع نووايـر الفـلاه=تِخجل رياض الصداوي من زهرها

هيضت بي عايل افكـاري وراه=والتهيت بعطرها عـن مستترهـا

وسلامتكم

اخوكم / الواصل (ابوزياد الشملاني)
[/poem]