لاشك ان لقصائد الشيخ سعدون العواجي الاثر البالغ في نقش اسم عقاب العواجي على صدر التاريخ كأحد الابطال الذين لايقهرون ولايهابون الكر على الاعداء ..
ولعقاب العواجي الكثير من البطولات ولم يخلد ذكرها سوى قصائد والده الذي رثاه واحس بالضعف بعد القوة التي يتمتع بها بين القبائل بفضل الشجاعة الفائقة لابنيه عقاب وحجاب
الا انه لم يأتي كثيراً على ذكر حجاب وكانت اغلب القصائد في عقاب ربما لانه الكبير وربما لانه الاشجع والاكثر فروسية من اخيه حجاب مع انهما قتلا في معركة واحدة وهذه بعض من مرثيات الشيخ سعدون العواجي ...
بيـبان قلبي والضماير عونـــي =اعواي مع ماضي سبـيـب الربابه
أعوي عوا اللي يوم يقـنب بونـــي =ذيب تعاوا له ضواري بغابـــه
في راس مرفوع الحجا يقـنـبـنـــي =تجاذبن الصوت رمل الذيابـــه
أنا عويت ومثلهن قمت اونـــي =عزي لمن عكف الشوارب ذهابــه
زمل المحامل بالمهمة غدنـــي =وأنا بعد من عرض جملة اطنابـــه
لا والله اللي ليثها غاب عنـــي =ما عاد يرجع ليثها من غيابـــه
الخوف من عقب الفرح به مكنــي =تحطمت عقب "العقاب" المهابــه
أيامها وسنينها خسرنـــي =ليث يجندل مقحمين الحرابـــه
صوته ذعار مشمراتٍ تعنـــي =درع المتلي والصوافن تهابـــه
سيفه بهامات العدا ما يونـــي =إن جا نهارٍ طال واظلم ضبابـــه
الموت سحبه هشمن وارعبنـــي =وارزم خياله يوم رودم سحابـــه
رجف الحوافر بالفوارس يرنـــي =والسيف يصرخ بالجماجم ذبابـــه
إليا برز له فارسٍ ما يثنـــي =صاحن عليه ملويات العصابـــه
يشهد على ما قلت ريع المغنـــي =وتشهد على قولي شوامخ هضابه
يرمس على الموت الحمر ما يكني =حبسٍ بحومات الوغى يلتجي بـــه
من عقب ما ني داله مرجهنـــي =البين يا ماضي قضعني بنابـــه
تواجهت جماعة هايس القعيط بقيادته مع عقاب وجماعته حصلت المعركه بينهم وهزم هايس واخذ عقاب واخيه يطاردونهم ليغنم بزماميل الخيل وهم الفرسان اللي يحملون الشعير والماء وراح عقاب يطاردهم وبعده اخوه حجاب ولما ابصر هايس القعيط ان عقاب وان فرسانه بعيد عنه وانه اقرب واحد لعقاب اخوه حجاب صاح بجماعته فرصتكم نرد ثار شمر وقام يذكرهم بهذلول الشويري اعز شخص على قبايل شمر قتله عقاب بالعام اللي قبل المعركه فقال هايس انهزمو قدامه لين توصلون كثبان الرمل اللي اسمها زبار اريك وكان عقاب على مقربه منهم فرجعو شاهرين سلاحهم صف واحد ورشقو عقابا بالسهام فقتلو جواده فخر على الارض ثم نزلو عليه ليقتلوه فستمروو يطاردون حجاب حتى قتلوه حصل هذا وفرسان ولد سليمان لايعلمون عما حصل علي زعمائهم حيث كان همهم جمع الغنائم وبقو يتقاسمونها بينما اخذ شعراء شمر يتفاخرون بمقتلهم,,,,
فلما رجعت فرسان العواجي سألهم عن عقاب وحجاب قالو عهدنا بعقاب يوم ان الخيل هاربه عنه وهو يطاردها وكان بعده حجاب
فصاح قائلا :
ياونة ونيتها تسع ونات = مع تسع مع تسعين مع عشر الوفي
مع كثرهن باقصى الحشا مستكنات = عداد خلق الله كثير الوصوفي
ونة طريح طاح والخيل عجلات = كسره حدا الساقين غاد سعوفي
على سيوف بالملاقى مهمات = سيفين أغلى ما غدا من سيوفي
وعلى محوص بالموارد قويات = أسقي بهن لو القبايل صفوفي
احشم بحشمتهم لو هن بعيدات = وأنام لو ان الضوارى تحوفي
خليتني ياعقاب ما به مروات = عيالك صغارٍ والدهر به جنوفي
من عقبكم ما نبكي الحي لو مات = ولاني على الدنيا كثير الحسوفي
ياطول ما جريت بالصدر ونات = على فراق معطرين السيوفي
ياعقاب عقبك شفت بالوقت ميلات = واوجست انا من ضيم بقعا حفوفي
مرحوم يا نطاح وجيه المغيرات = لاجن كراديس السبايا صفوفي
مرحوم يا مشبع سباع مجيعات = وعز الله أنه عقبكم زاد خوفي
الخيل تدري بك نهار المثارات = ياللي على كل الملا فيك نوفي
والخيل تقفي من فعولك معيفات = تاطا شخانيب الرضم ما تشوفي
,,,,,اتمنى تعجبكم المرثيات,,,,,,,
الرابط الى القصة
http://www.9otkw9l.com/vb/showthread.php?t=3031