صيحت عبد المجيد
لكل اعنزي غيور اسميتها صيحت عبد المجيد شبيهه بصيحت حصه
وامل اني وفقة في اختياري
[poem=font="Simplified Arabic,5,black,normal,normal" bkcolor="transparent" bkimage="backgrounds/7.gif" border="none,4,gray" type=0 line=0 align=center use=ex num="0,black"]
تكفون يالويلان تكفون تكفون = ياعزوتي تكفون لاتتركوني
انا السجين الي لي اسنين مسجون = بسباب قصه كلكم تعرفوني
لعب علي ابليس وبليس ملعون = ومن صغر سني جاهلن تعذروني
توي عرفت ان العمى ماله عيون = واني عمى لو كان ليه اعيوني
والله مابيكم عليه تلومون = هذا الصحيح وكيفكم لوموني
بس ارحمو شيباني الي ايحاتون = بكيت انا منهم وقبلي بكوني
اصيح وانخاكم عساكم تقومون = ومن السجن يالابتي تنقذوني
ياسامعين الصوت بالله تردون = الموت اشوفه قاب قوسا ودوني
الموت اشوفه كل يوما على دون = والوقت خلص خايفايذبحوني
ماباقيا يالابتي كم مليون = فزعاتكم تكفون لي تفزعوني
ياعيال وائل بالملاقا اتهابون = وشلون اموت وكلكم تنظروني
وانا ولد كبيركم واخو الي دون = وعزيز قوما ذل لاتشمتوني
صارت حياتي مالها طعما ولون = حملت ربعي كل ابوهم اديوني
وامي وبويه عايشينن على الشون = ولافلاوالله على يذخروني
من قلت الحيلات قامو يحومون = وابوي وجهه كل يوما ابلوني
وامي عجوزا صابها هم واحزون = دمعاتها مافرقا الجفوني
الصبح مع كل الجماعه يحومون = وبالليل لجلي كلهم يسهروني
واكبر بلايه يوم جوني يزورون = مالي جدا الا مسحتي للعيوني
وامي تقول اصبر ولاعلها اتهون = تراك ياوليدي غلاتك عيوني
وابوي لي يقول ماباقيا لون = والدمع اشوفه صار ملي العيوني
وختامها مني تحيه وامليون = يالابتي في بلوتي ساعدوني[/poem]
التعديل الأخير تم بواسطة نايف النمران ; 03-16-2007 الساعة 03:40 PM
|