تم تعديلها
تأخرت . . .!!!
آآآآه . .لوترجع دقيقة
عير . .الساعة . . تعال
كسر أقفال الحقيقة
أعبر أسوار المحال
غوص . . بالدمعة الغريقة
سيل جرف هالوجه . . وتلاشى في زوال
أسمع صدى . . . صرخة أوصافي
والنظر في خطوته يتبعك . . مجنون و حافي
والملامح ماتت بهالوجه . . وبظلال الآلام غافي
تراسيمي . . تالفه . . متهالكه . . من غيبتك كافي
والفشل سطى بأوصالي شلل ... وأمتد لأطرافي
مابقى لملامح الوجه . . . . قدره و إحتمال
والألم ينحت بوجهي . . . ملامح من قبور
والحزن شايل جنايز الدمع . . . يبكي ويدور
وجهي . . وهم
مدافن . . ألم
قبور . . حسرات . .وندم
تركتني لفنون الغياب تنحتني خيال
أنبش الوجه . . أرفع هالأجداث . . شوف
مقبرة لأموات الملامح . . والوصوف
مدفن لجثث الدموع . . وأحزاني ألوف
تعمدت من خمر الألم . . . أطفال الحروف
كل طبع بي تغير . . .
شف غيابك . . . وش سوى تصور
حِداد أسود . . وإلحاد . . ومضموني تحور
عرفتك وإنت ممنوع . . وكل ممنوع له أجزائي تجوع و تّضور
من روى وجهي عطش .... هي سحابات الغياب
وكيف غارت هالملامح . . وصفيت للألم منهاج وكتاب
وجه يواري مقبره . . إندفن جثمان بها التراب
إنزع آوجاع شكلت جثت عجوز . . بوجه شاب
وألمس بروس الأصابع . . . إحساس العذاب
وأغرز بجسمي الأظافر . . . ينبع من أثرها إكتئاب
أيقض الوجه القديم
ذكرني كيف . . .كيف . . ومنهو غيرهالتراسيم
أمطر بوجه تشقق . . كنه أفواه تستجدي سديم
وقف سيول الفراق . . لملم لوجهي المفاهيم
بعثر هالقبور
دمر جمود إرتدى هالوجه . . إنتزعه من الجذور
وأحرث من الوجه مقبرة أموات الملامح وقوض أساس السور
وبعثر تلول القهر وإنحت لوجهي ملامح تليق بها الحضور
وأخرس ...رنين الوقت وألغي المواعيد وتوه من الزمن بين السطور
وحنط هالثواني بعالمي و إعتذر عن باقي الأمور
ولوسكت ذاك المنبه ... ومرت دقيقة وماحكى معذور
مسكين أفقدته الذاكره . . . آلامي وعاجز لايحسب الوقت ويدور