هذه القصيدة قالها الشاعر محمد بن لعبون في محبوبته مي ( وهذا اسم مستعار جعله رمزاً عن اسمها الحقيقي ) وقد استحوذت مي على قلب بن لعبون ، وتفردت بذلك ،، فنجد كثير من قصائده قد اشتملت على هذا الاسم
وهي مرثيته فيها وقد توفيت في طريق الحج :


سقى صوب الحيا مـزن تهامـى
علـى قبـر بتلعـات الحـجـازِ
يعط بهـا البختـري والخزامـى
وترتـع فيـه طفـلات الجـوازي
وغـنـى راعبـيـات الحمـامـا
على ذيـك المشاريـف النـوازي
صـلاة الله مـنـي والسـلامـا
على مـن فيـه بالغفـران فـازِ
عفيف الجيب مـا داس الملامـا
ولا وقف علـى طـرق المخـازي
عذولـي بـه عنـود مـا يرامـا
ثقيـل مـن ثفـيـلات الـمـراز
أبـو زرق علـى خـده عـلامـا
تحلاهـا كمـا نقـش بـغـازي
عليـه قلـوب عشاقـه تـرامـى
تكسـر مثـل تكسيـر الـقـزاز
الا يا ويل من جفنـه علـى مـا
مضى له من لذيذ النـوم قـازي
تكدر مـا صفـا يـا مـا ويامـا
صفا لي مـن تدانيهـا المجـازي
ومن قلبـه إلـى هـب الولامـا
يجرونـه علـى مثـل الـخـرازِ
ليالـي مشربـي صفـو المدامـا
وثـوب الغـي منقـوش الطـرازِ
مضى بوصلهـا خمسـة عوامـا
وعشـر كنهـن حـزاة حــازي
بفقـدي لـه ووجـدي والغرامـا
تعلمـت النيـاحـة والتـعـازي
وصرت بوحشة مـن ريـم رامـا
ومن فرقـاه مثـل الخـاز بـازي
عذولـي فـي هواهـا بالملامـا
يعزيني وانـا مـا نيـب عـازي
وكل البيـض عقبـه لـو تسامـا
فلا والله تسـوى اليـوم غـازي
سلينـا لا حــلال ولا حـرامـا
عليهـن الطـلاق بـلا جـوازي
حيـاة الشـوق فيهـا والهيامـا
وجعـد فـوق منبـوز العجـازي
وخـد تـم بـه بـدر التمـامـا
وقـد مـنـه يهـتـز اهـتـزازِ
فـلا ابـي عقبهـا لا زاد ولا مـا
وجزت من الهوى والغي جـازي
وخضت بحـور ليعـات تطامـى
خلاف الخل ما ادري وين ابي ازي
نكيف الهـم فـي قلبـي ترامـى
وجيش البيـن بالغـزوان غـازي
أريده وانكسـر كسـر السلامـى
بسيف جريده مـا هـوب هـازي
على بخت الدهـر ليتـه تعامـى
وخلاهـا وليتـه مـا يــوازي
وليتي مـا حكيـت بهـا ويامـا
بكيـت لهـا وفـي قلبـي حـزازِ
اظــل هـايـم دوم دوامـــا
همومـي فيـه تنحـاز انحـيـازِ
أبـاح الله يـا مــن بالمـلامـا
يسـلام يـوم تـرزاه الـروازي
اسـلَّـم لــه ولا رد السـلامـا
عزيـز مـن عزيـزات عــزازِ
وصـلاة الله مـنـي والسـلامـا
علـى قبـر بتلعـات الحـجـازِ