(( مرثيـــة طلال الرشيد ))
ابنة اخت طلال الرشيد ترثي خالها
يادمعتي ارثي طلال برحيله000وارجي له الغفران من عند مـولاه
يارب من غيرك برتجي له000في رحمه اللـي ماتحملـت فرقـاه
من موتته يارب نفسي عليله000راضي لكن حكم الاقـدار ماقسـاه
اخفي هموم القلب لو هي ثقيله000ياقوي صبر القلب عليـه ياقـواه
ياناس كن الكبد فيها مليله000من واحـد فـي ايـام العيـد فقدنـاه
ياناس راح اليوم راعي الجميله000الله يعين القلب على كبر بلـواه
ياعل روحه في جنانك نزيله000ياخالقـي تكـرم مقامـه ومثـواه
اللي زرع دروب الفضيله000وعلمني ارضي خالق الكون واخشاه
وعلمني امشي في الدروب النبيله000وخلاني اتبع في حياتي سجاياه
دايم عيوني في خياله تخيله000في كل نظره وين مـااروح القـااااه
ابكيه انا وتبكيه كل القبيله000وجاره ومن قام يعرفـه قـام ينعـاااه
كم شيخ صارت دموعه هميله000ويجاوب الونات من حر ماجـااه
ومن جا يعزيني بفرقا خليله000ربي عساه من الصواديـف تاقـااه
مرحوم ياشيخ يمينه طويله000ليت القدر خذانـي بدالـه وخـلاااه
الموت حق وكلنا نستـوي له00ولابـد مـن يـوم تجينـا مطايـاه
يالله طلبتك يامنجي دخيله0000انـك تخلـي جنـة الخلـد مـااوااه
يالله طلبتك يامنجي دخيله0000انك تخلي جنة الخلد مااوااه..
رحم الله ابو نواف
بالفعل فقد الشعر احد اروع ابنائه
رحمك الله ياطلال
ستبقى طالما بقي للشعر محبون
|