[align=center][frame="10 80"][frame="3 80"][poem=font="Simplified Arabic,6,indigo,normal,normal" bkcolor="transparent" bkimage="" border="solid,4,darkred" type=2 line=0 align=center use=ex num="0,black"]
الجو غايم واظلم الجو بالغيم = ومتى على الله تمطري ياسحابه

الله يجيبك يالمزون المرازيم = وتمطر على الضامي بعالي اهضابه

العين تنظر لسماء ترجي الديم = لون عطشان الوطا ماهتنابه

الزرع يابس واليالي صواريم = قضى عليه الوقت لاما انتهابه

بعدالخضار اللي مثل روضة خريم = العود الاخضر صار ماينلقابه

البرق يبرق والرعد له ترانيم = تجي سحابه وتقتفيها سحابه

يلي تخايل برق سحباً مراديم = بالصيف لاترج المطر من سحابه

ماكل من خايل اخياله يجي غيم = صحيح لون السحايب تشابه

ان شهداً الوقت حظ اومقاسيم = وكلن رضى في قسمته من عذابه

الوقت جاير والزمن به محاطيم = وكل(ن)على ماقيل همه سرابه

وين انت يلي تطرد مذير الريم = سوق الندم من باع به واشترابه

ناس(ن) على ناس(ن) تطق الملاطيم = وناس(ن) على ناس(ن) تدور العتابه

واحداً يبي يغير جميع المفاهيم = و يضيع بين الاسئيله ولاجابه[/poem][/frame][/frame][/align]

__________________