[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
لا لا تحاول في رجوع الهوى دام=دامك هدمت الحب باسباب خوفك

يوم(ن)تغلى يوم سابح بالاوهام=اليوم انا بهجرك وانسى حروفك

خلك تذوق ولو ذره من الآم=الآم كنت اذوقها يوم اشوفك

يكفي ألم يكفي من جروح وسهام=قلبي انا ماعاد يهوى طيوفك

لا لا تنادي للهوى راح من عام=لا لا تحاول لا تكثر حلوفك

دامك هدمت اللي بنيناه قدام=خلاص انا قررت اني اعوفك

مابيك انا مادام ضيعت الاحلام=مابيك انا مادام حبي يطوفك

ذقت الألم والآه في حبك اعوام=ذقت العذاب وذقت طعنه سيوفك

بنساك انا واترك عبره للايام=وخلك على ماقيل تصفق كفوفك

عشان تصبح عبره لكل من هام=في حب(ن)اقشر مثل يومي اشوفك

ولو كان بيدي حكم جازيتك اعدام=وخليت كل الناس تشهد حتوفك[/poem]