[poem=font="Simplified Arabic,4,royalblue,bold,normal" bkcolor="transparent" bkimage="backgrounds/16.gif" border="double,4,gray" type=0 line=0 align=center use=ex num="0,black"]
يافالق الصبح يامولج نهارك بليـــــــــــــــــل= ياجامع الناس في يوم البعث والنشور
عليك كل التكالي وأنت نعم الوكيل=ياعالم بالمصير وماتكن الصـــــــدور
يالله يالله تهديني سواء السبيــــــــل= وتعصم لساني عن الزله وعن كـــــل زور
الشعر موقف وحده مثل حد الصقيـل= لو كان كتله من احساس البشر والشعور
ياما رقابي ورقيته براس الطويــــل= وياما سبحبي بحور وغصت به في بحــور
وأنا ليا حامي قافي قبست الفتـيل= وأوقدت من نار فكري للمسافات نــــور
واليوم لاهنت ياشعري مايخدم بخيـــــل =مادام سلحتك الافكار منت معـــــذور
قدمك من العز مايروي ضمى كل جـيل= سوالفه تزرع الأمجاد في كل بـــــــــور
وقدمك لميع الهنادي والقنى والصهيل= وقدمك من المجد ماترويه كل العصور
مسافته عز ماتنقــــاس كيلو ومـــــــــــيل= بركانها ماخمد وأمجادها ماتـــبــــــــــــور
ياموكب الشعر وقف واستمعني قليل= حتى اني أعطيك للتاريخ رخصة عبور
سيرة بطل ماتغيبها حكاية رحيــــــــــــل= تبقى بوجه الزمن كالنحت فوق الصخور
ماكانت ارض الجزيره قبل ذاك الاصيــل= الا تفكك عقيده وانحـــــدار ودبــــــــــــور
نهـــــارها كم قتـــيـــل وليلها كم قتيــــــــل= جنــــايـــز مالهــــا فـــوق البسيطه قبـــــــور
قويهم سلطته تسلب حقوق الذليــــــــــل =وشيطانهم شاب والظلم انتشروالفجــور
وكلن لخصمه من خلاف العداوه يكــيل= بصدورهم من جهلهم في المعاصي تفـــور
مال الأمن شجرة فيها مقر ومقيل =ولا بينهم للموده في الجزيرة جســـــــــــــور
هذا قبل هيت تخطيها عيون الدليـــــل= وهذا قبل سطوة القرم العزوم الصبــــور
النادر اللي على العارض يهيم ويخــيل =من يوم عمره عشر شهور غلب كل شور
من قو باسه صنع ممكن من المستحيل =ومن طيب راسه يحل معقدات الأمـــور
زهابه الصدق والاخلاص حمل الصميل =وسلاحه الدين والتقوى سلاح الغيـــــــور
جمع شتات القبايل لين صاروا فصيـل =وإخوان عقب التناحل والجفا والشرور
وحكم بشرع الكتاب اللي مغيره بديل= وعم الفرح في البلاد وسادكل الســـرور
لامال ميزان غيره مايحيد ويمـــيل= في سطوته ينكسر راس الجهل والغـرور
شخصيته مالها في كل جيله مثيل =تجف الأقلام وبمدحه تضيق الســـطور
والله ليبطن ماجابن ناقضات الجديل= مثله ولا أقولفي كل النشامى قصـــــــور
ويالله يامستجيب للدعى ياجليل =من عبدك اللي لك مطيع وذليل وشكور
ترسل على قبر أبو تركي صدوق المخيل= وسم يساقيه من غر السحاب البـــــكور
وتهل فوقه بسيل مايناديــه سيـــــــــــل =وترحمعظامه وتغفر زلته ياغفــــــــور
وتجمع به المصطفى في جنتك والخليل =وتحفظ عياله مواسير الحرار الصقور
وانك أتجمل وتهديني سواء السبيل =وتعصم لساني عن الزله وعن كل زور[/poem]


صح لسانك ابوطراد
قصيدة من اجمل قصائد الميزاني
في الملك المؤسس الملك عبدالعزيز طيب الله ثراه

__________________
و*17