يمه
تعبت من السهر يمه تعبت من الشقا والنوح
تعبت من الألم والآه جريح ومن يداويني
تعبت اشكي من الفرقا تعب يمه وانا المجروح
ثلاث اسنين انا ساكت عسى يمه تراعيني
نفذ صبري وانا ساكت خلاص اليوم انا بابوح
كفايه صبر يايمه كفايه هم مشقيني
انا في ظاهري عايش ولكن داخلي مذبوح
انا حالي بعد خلي مثل حال المساجيني
ابي خلي ابي عمري ابي منهو يرد الروح
ابيه ولأبي غيره ولايمكن ترديني
انا قررت انا صممت لا لعب(ن) ولا بمزوح
اسلي خلي بشوفي وهو شوفه يسليني
كفايه ظلم يايمه انا روحي ترى بتروح
ثلاث اسنين انا ساكت ولا منهو نظر فيني
|