[poem=font="Simplified Arabic,5,blue,bold,normal" bkcolor="transparent" bkimage="" border="double,4,darkred" type=0 line=0 align=center use=ex num="0,black"]
جد على جد وساس على ساس = سور الجزيره مـن هـل الفعـل والبـاس
الله فضلهم على ساير النـاس = حيـث انهـم شـادوا مـن المجـد بنيـان
اشبـال مقـرن للمعـادي لودايـد = دوم الليـالـي للـعـدا بالمراصـيـد
ما جاملوا عدوانهـم والحواسيـد = نالـوا تماجيـد الفخـر سـر وعـلان
نسل العديم الـي الجزيـره حكمها = بالشـرع والتوحيـد رفـرف علمهـا
وحـد قبايلهـا وحطـم صنمهـا = وازال عـن نجـد تماثيـل الاوثــان
عهد السعود الله يحفظ لنا العهد = الـي علـى امـن المواطـن بـذل جهـد
من عقب مانقـزى عـن النـوم والسهد = الحمـدلله دورهـم امـن وايمـان
ذخـر العروبـه حافظيـن الكرامه = سـاس المـروه والفخـر والشهامـه
كم فارس خلـوه يلقـي حسامه = وعقـب العيـا والعـي قـاود بالارسـان
حد الوطـن بسيوفهـم محتمينه = ضـد العنيـد وضـد مـن خـان دينـه
الله جعلهـم دوم هـزم بعينه =ويقلـى الكرامـه عندهـم كـل مــن زان
عدوهـم يــزداد غبـنـه اويله = مايهتـنـي عــده بـحـر المليـلـه
وايمانهـم بالحـق دايـم طويله = والحمـدلله عاثـرا كـل مــن خــان
لاعاش من يجحد ثناهم وينساه =مـن رامهـم قصـوا عـن البغـي يمنـاه
ويلقي الجزا من باع دينيه بدنياه =مثل المصيـر الـي وقـع فيـه ندمـان
عيوا علـى العليـا ثقيليـن الارواز = والكـل منهـم كنـه الحيـد ميهـاز
واللي ضميره صايبه غش وانحاز = بالسيف الاملـح عالجـوا كـل طنيـان
واعـد مـن وايـل صناديـد عتبه = صـوارم روس المعالـي رقـت بـه
من يكبـت التاريـخ سجـل بكتبه = يشهـد لهـم الهـدار وعيـال بـدران
بجايده من عقب صبحـي جميلات = مـن دور جابـر والسنيـن القديمـات
من لابة السلقا مشايـخ وسادات = شيخـان تـورث طايـل المجـد شيخـان
تاريخهـم يذكـر بكـل النواحي = وأنسابهـم مايجهلـه كــل صـاحـي
انشد وتلقـى مـن بعـد الصباحي = بجايـده مـن صلـب عمـار جمـلان
فاضوا من الهدار لأرض الزباره = وجـو للكويـت واسسـوا بـه أمـاره
بالسيف والمنسف وحسن الاداره = دانـت لهـم سـادات حضـره وبـدوان
مـن الاحمـدي للسالمـي للشقاي = ومـن ديـرة البصـرة لحـد الزوايـا
بالسيف جتهـم ماخذوهـا هدايا = وحدودهـم مـن فليكـا لارض سفـوان
تشهد عليهم فرسهـا مـع عربها = فعـل اخـو مريـم بالفخـر ماحسبهـا
أسرة شرف معروف طاري نسبها = ماعندهم عـن معـدن السـاس نسيـان
وأعـد لحمـة عـن صـوارم خليفه = عيـال فيصـل والمناسـب شرفـه
من عزوة الربـاع ماهـم لفيفه = فـوق النجايـب هـددوا عـرش ايـران
لهم عـن عـوج اللغايـا زعامه = مثـل العـم مـن فـوق راس العلامـه
احمد فتح بالسيـف راس المنامه = طـال السنـام واورث المجـد شجعـان
حاموا عن البحرين من جيش الاعجام = تاريخهم يصعد علـى المجـد قـدام
واليوم حاضرهم على خير ما ايـرام = دار المنامـه طوروهـا ابمعمـران
صوارم الابطال من صلب رباع = وحموا حمى البحرين عـن كـل طمـاع
بالسيف الاملح نالوا الحكـم والقـاع = ماهزهـم تهديـد فـارس ورومـان
امجادهـم ماتنحصـي بالمعانـي = افعـال صـدق مـن قديـم الزمانـي
الجلهمي يشهـد لهـم وابـن ثانـي = ويشهـد لماضيهـم خلايـف نهيـان
وأعد ذكـر الجلهمـي مـن نسـل جابر = بجايـدة الكـل بالاصـل خابـر
تقرا مفاخرهم بوسط المنابـر = يـوم الفعـول ويـوم صولـة عفيصـان
ومن حاضرة وايل رجال مشاكيل = نسل النجيدي خلفـة مهنـا ابـا الخيـل
صـوارم يـوم المراجـل حلاحيل = تاريخهـم معـروف مافيـه نكـران
وماعقبه هـزان بالفعـل محمود = سـور الحريـق مرويـة شـذرة العـود
صافين من خلفة رشيد ابن مسعود = من ساس بدر ومـن سلايـل سعيـدان
والعسكـر الشجعـان ماهـم هفيه = حمايـة الفيـحـا رجــال الحمـيـه
من صب م شجع من خيار السميه = من ساس بدر قـروم عسكـر وهـزان
وأعـد شجعـان العقيـل القرومي =وخلفـة تويجـر حافظيـن السلـومـي
وحقيل والعمران قوي العزومي = وسند ومسنـد مـع صماصيـم حوشـان
وعيال مدلج بالفعـال مخبورين = تاريخهـم معـروف مـن خلفـة حسيـن
حمـد ابـن لعبـون وضـح براهين = حقايـق تقـرا علـى كـل ديـوان
وأذكر بني رباع من صلب يعقوب = عشاير مـن سـاس ربـاع وشعـوب
ذكر الحمادا بالتواريخ مكتـوب = وحمـد نجـب راشـد وعلـي السليمـان
مع لابة الباحوث مع عيال جلعـود = وشـداد والشمـلان بالفعـل معـدود
وعيال صالـح والهويـدي ودايود = وعليـق والمـرزوق وعيـال وطبـان
حمايل يصعب علينـا عددهـا = مـن صلـب وايـل ساكنـه فـي بلدهـا
يشهد لها التاريـخ محـد جحدها = تحضـرت بالـدور مـن غـب هبـران
حمايـل يصعـب علينـا انحصاه= بسديـر وبـلاد القصيـم وقـراهـا
من اقصى الحريق الي المنامه مداها = للبصـره الفيحـا الـي حـد نجـران
من صلب وايل بالقرايـا حواضير = مـن ديـرة الهـدار للعـرض للدبـر
ومن حد خيبر للزباره الـي زبير= صانـوا نسبهـم لويكونـون حضـران
وش عـاد لوهـم بالمنـازل بعيدين= علـى نسبهـم والكرامـه امعيـيـن
أولاد علـي مـن قديـم عزيزين= ماهـم نزيـه لـو يسمـون قصـمـان
أولاد وايل مابدا مجدها اليوم = مـن دور عصـر كليـب ثـم ابـن كلثـوم
الفرس تشهد وأيضا الترك والروم = وتشهد لهـم كنـده وحميـر وخـولان
وتشهد بني خالـد وحـرب ومطير= وعتيبـه وبنـي صخـر والمناصيـر
وشمر معا قحطان صيد المناعير = وبلي وجهينه مـن قضاعـه وسرحـان
وظفير تشهد سابق المجـد وسبيع = وكـل القبايـل والقـروم الصعاصيـع
تظهر ثناهم فـي جميـع المواضيع = مـع الدواسـر والهواجـر وعجمـان
ومـن كـان للتاريـخ عنـده حفايظ = ينظـر ويقـرا طيبـات القـرايـظ
شعر الفرزدق في كـلام النقايض = وابـن كثيـر ومـا يعـد ابـن خلكـان
وايضا كتاب ابو الفرج وابن خلدون =يذكـر لهـم مجـد تليـد لـه قـرون
الشاهد التاريخ والناس يدرون = عـن مجـد وايـل شامـخ تقـل ضلعـان
ويعد بالشيمه كتاب ابـن مـارك = بالطيـب وعلـوم الفضليـه امشـارك
يذكـر فخرهـم يـوم دور المعارك = ويعـد ماشافـه يصـدق وعـرفـان
تاريـخ وايـل مـن قديـم عجايب = تغلـب علـى خـزاز بـادت كتايـب
وبكرا عثت بالفرس يوم الحرايب = ذي قار فازوا به سبـب بنـت نعمـان
وقلعه حلب عـن سابـق المجـد تنبيك = فعايـل الويـلان مافيـه تشكيـك
دولة بني حمـدان قبـل المماليك = بنـوا فخرهـم بيـن قيصـر ويونـان
اولاد وايـل مـن زمـان النبوه = حلويـن للصاحـب وللـضـد ســوه
جمـع يلاقـي بالملاقـي عدوه = والمجـد والعـزه لـهـم ورث جــدان
من يجهـل الويـلان ياخـذ تعاليم = تاريـخ مـن دور العصـور المقاديـم
وايـل معـد عدنـان خلفـة ابراهيم = تاريـخ بالانجيـل تقـراه رهبـان
نواصر السنه خلايف اسماعيل = مجـد لهـم مـوروث جيـل بثـر جيـل
سوالـف الويـلان مابـه تجاهيل = معـروف مـن قبـل اللهازم وجـلان
طالبـك يارحمـن رب البـريـه = تعيـذنـا شــر الـبـلا والبلـيـه
وتغفر خطانا كان قلنا خطيه = يامـن فرجـت لنـوح مـن عقـب طوفـان
يافارج لأيوب من عظـم بلواه = ويونـس دعـاك بجـوف حـوت تعشـاه
يوم دعاك بغب موج لطـم ماه = وفـي وسـط لجـه مابهـا غيـر حيتـان
ادعوك ياعواد يوسـف ليعقـوب = يـارب ماغيـرك لطيـف ومطلـوب
تمحا خطايانـا وتغفـر لنـا ذنوب = فـي ساعـة نلقـاك يـارب حفيـان
يارب تعتق من لجابـك مـن النار = ماقـال قـول ولا بـدأ هـرج فشـار
يامـن لـه الجنـه تـدارج بـه أنهار = جنـة نعيـم فيـه حـور اولـدان
هـذا جوابـي بالقوافـي كتبته = وحظـي علـى ظلـم الـمـلا ماجلبـتـه
هدفـت للحـق المبيـن وصبته = واللـي يبـي يرضـي المخاليـق تعبـان
يفهم كلامي مـن فهـم قصـد معناي =علـى هدافـي دل قولـي ومبـداي
ومن صرت الحكي الخطا تقصر اخطاي = منحاز مارافق خبايـث ورديـان
واستغفر الله كان القيـل زلات *** غرفـت قيلـي مـن بحـور المحيطـات
تسعيـن خـزان بفكـري مليات = لاغـاض خـزان يفـيـض بـخـزان
وختامها صلوا على سيد الناس = المصطفـى دينـه علـى الخلـق نبـراس
شفيعنا المختار عن حر مقياس = ومن طـاع ربـه نـال جنـات رضـوان[/poem]

__________________