|
المشرف العام
تاريخ التسجيل: Nov 2005
الدولة: Mercury
العمر: 50
المشاركات: 23,759
معدل تقييم المستوى: 30
|
فـرسان الـصـقـور وكسبهم جيش مـطــير
عندما ذهب العقيد / النبيقي الصقري ومعه مجموعه كبيره من فرسان الصقور من الشمال من البريت تحديدآ الى نجد الى قرب منطقه القصيم يبحثون عن المكسب , وعارضهم قرب القصيم جيش من قبيلة مطير , فأخذوهم الصقور لانهم اقوى منهم
وطلبوا مطير المنع , واعطوهم الصقور المنع دون الركائب ,
وكان رجل من قبيلة مطير اسمه ( دهش بن عسم الصهيبي من مطير ) , دفع خيال من الصقور مع يده . بعد المنع فوقع وطاح من الفرس فـقـفـز دهش بن عسم على ظهرها وهرب بها . ولكن الفارس اللي من الصقور سلم ,
ودهش المطيري زبن في قصر المطرودي صاحب العوشزيه بالقصيم . المطرودي زبنه وادخله في القصر هو والفرس اللي معه ,, وقد اخذ الصقور ركايب مطير اصحابه ,, وتركوهم راجلين فمسكوا طريق القصيم ,, اما الصقور طردوا الخيال الهارب ,, ونزلوا ضيوفآ عند المطرودي صاحب القصر .ولان دهش المطيري بحماية المطرودي ودخيل عليه .. قال الصقور : يامطيري رجالنا سالم وخوياك سالمين والان نريد ان ترد الفرس ,, واختر من الابل مكانها ,, من الكسب ما تشاء ,,
لانها من سلايل اصيله وكان نوعها ( الكحيله ) ,, ورفض المطيري بشرط قال : سلمولي ركايب أصحابي (وكانت كثير من الابل والخيل )وما عليها من القرب والمزاهب , وسيوفهم , وعصيهم , وعقل الابل ,, قال ان سلمتوني جيش اصحابي
سلمت لكم الفرس ,, وانا الان بحماية المطرودي انا والفرس ,,
استشار النبيقي فرسان الصقور ,, هل نعطيه هذا الكسب من اجل فرس فلان اللي معهم : قالوا نعم .. نضحي بالكسب من أجل فلان من الصقور وارجاع فرسه الاصيله له مربط سلاله خيل اصيله ,, وافق الصقور ,,
ولما أظلم اليل ,, اظهر المطرودي دهش المطيري من قصره وهربه,, ولحق بجيش مطير اللي يمشي على الاقدام ,, واذا هو يغني بأثرهم , وهم على اقدامهم , فلما التفتوا واذا هم يعرفون ركايبهم , ما املوا ان الله سوف يرد لهم ابلهم ,, وفرحتهم بابلهم
وقال دهش بن عسم الصهيبي المطيري :
اعترضت لفارس ما صد عنـي *** من يميني طاح قدم المقبلينـي
راعي المطرود قصره مزبن لي *** يوم جيته زابـن ذرب اليمينـي
نوخوا ضيفان قدمه واصخمني *** ويوم شفت لجيشنا متقاسميني
الطماعه عفتها من طيب ظنـي *** والفخر للـي مواقفهـم تبينـي
قال ليه يا مطيري خـوذ منـي *** اختر القطعان واطلقها تجينـي
الكحيله مربـط مـا ينصحنـي *** من مرابط خيل أهلنا الأولينـي
قلت له بركاب ربعي يحضرنـي *** كان ربعك يالنبيقي سامحينـي
والقرب هي والمزاهب يجمعني *** مع مراقيع الضياحيـه تجينـي
يوم جيبن من حفاهن يركعنـي *** كن هاك اليوم ابوخمس السنيني
محلا باكوارهن صوت المغنـي *** يوم ركبوا فوقهن مستأنسينـي
هن هواية يوم هجن واقرشني *** الركايب سالمـات وسالمينـي
لا انتوينـا للزراجـه يقطعنـي *** ربح والا للخسـاره قادمينـي
......... وسلامتكم
منقول
المصدر : كتاب قصه وابيات . للمؤلف / ابراهيم عبدالله اليوسف
روايه / محمد بن جازع بن دله الصهيبي المطيري
صفحه رقم ( 192 ـــــ 193 )
__________________
التعديل الأخير تم بواسطة فارس عنزة ; 10-09-2007 الساعة 02:41 PM
|