[align=center]


[poem=font="Simplified Arabic,7,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]




حييت ياللي لك مكانه وتقدير = يالوافي اللي بالوفا ذاع صيته
بك من كرم حاتم وبك سطوة الزير = شامخ ومرقاب المراجل رقيته
وأنا عضيدك لو تطول المشاوير = مايفيد بالشدات عله .. وليته
أبشر بعزك بالظروف المعاسير = من صاحبً يفزع ليامن نخيته
لاهنت يانسل الرجال المناعير = يالشاعر اللي بالمعاني عنيته
يجي ويلقاني لضيـّـقه تباشير = وانا ليا ضاق المدى الرْحب جيته
على الوفا ماهي صداقة دنانير = والطيب ساس ومعدن الرجل بيته
ياسعود ياسعود السعد جيّتك غير = مقدارها فوق الثريا بنيته
عسى فداك اللي جدوده مشاهير = وانا أحسب انه مثلهم لالقيته
كنت أتخـّيـل بالسيوف البواتير = صورة مبادي صاحبي لادعيته
وكنت أرفعه وأسمع وصاياه واشير = وعليه لاشفت الخطأ مارضيته
ودارت دواليب الدهر والمقادير = وصحيت من كابوس ليلً سريته
الله واكبر يالنوايا المغاتير = اللي زرعته بالوفا ماجنيته
لكن عزايه يالوجيه المسافير = أني على عهد الوفا مانسيته
مبداي هو مبداي ماقف وتفكير = طبعً ورثته شمت به وأحتميته
مايلحقه من جور الايام تأثير = وان ضاق به صدر الخوي مارثيته



[/poem]

















[/align]

__________________