[poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا وجودي يوم هلت من شمال الموسميه =وأركمت من فوق نجد ٍ وأمطرت والليل داني

ويا وجودي يوم فاضت بالسيول المهمهيه = أستوى لا سال سيله مرتفعها والطماني

ويا وجودي يوم هبت ريح نجد النرجسيه =فايح النوار يرقص والنفل والديدحاني

ويا وجودي يوم غنت بالغصون الراعبيه =يوم راحت بالنشيده هل دمعي في ثواني

ويا وجودي كل ما أسهر بالليالي السرمديه = ليلة التسعين حلت والقمر سبع وثماني

ويا وجودي كل ما أذكر بنت عمي الوايليه = ضاقت بصدري القصيده وانطلق باسمه لساني

يوم انادي يا غناتي عزت دياره عليه =وان نزلت بأرض نجد ٍ ما أبالي بالمكاني

غايتي ألقى حبيبي بالعلن وإلا خفيه =في حضار السوق تمشي بالتبختر والتواني

أو على موعد نقرّه بالخفا عقب العشيه = ساعة الحساد عنا ألتهوا بابن الهداني

جاتني تمشي الهوينى وأشرقت منها الثنيه = انفجر قلبي بصدري وانتثر كل المعاني

وانسفح دمي بيده يوم ردت بالتحيه = يوم قالت يا حبيبي غيرت آية كياني

وانقضى ليل السرايا بالحلوم الشاعريه = آية ٍ بآيات شعري باقيه طول الزماني

يا وجودي كل ما اذكر بنت عمي الوايليه = ضاقت بصدري القصيده وانطلق باسمه لساني

[/poem]

[align=center]
صح لسانك ولسان الشاعر سلطان الروراد

تسلمين حبيبتي الريم اختيار رائع

تقبلي مروري[/align]

__________________