الشعر الفكاهي
قال الضب
الضـب قـدّم للـوزارة شكيـة ** قال أنا مظلوم وسط الصحـاري
الحيوانات تعيش عيشـة هنيـة ** وأنا في الأكياس تحت الكبـاري
مسكين مالي وساطـة خارجيـة **الواسطـة للظبـا والحـبـاري
أشكي من الأزمة ظـروفٍ قويـة **خص بالصيف والجسـم عـاري
محميـة الغـزلان دون الحويـة ** وأنا مقطع وسط الرز البخـاري
أنـا لحالـي عيشتـي جاهليـة ** أنصاد لو اني بالبنـك العقـاري
في سوق الجمعة يحـرّج عليـه ** مكتوب أسمي في السجل التجاري
أحتـج وأقـدم للأمـة قضـيـة ** ممنوع صيدي بالسـلاح النـاري
أعيش أنـا والحبـاري سويـة **مافي فرق بين صندوق وهواري
لا طلعت أبـي أتمشـى شويـة ** أرى الدداسن كوم تضرب بواري
الصيد يتمشـى جـري وآهنيـه ** في محمية الغزلان وأم القمـاري
وأنا بمسلسل طاش يضحك عليه** وين التقدم والأسلوب الحضـاري
.
------------------------------------------------
ملحمت البلوت
يا حيط طش الورق واجلس على المتكا ** خل الورق يـا حيـط للـي يعرفونـه
يا مرتـع الصـن والعشـرات والاكـا ** خل التفرنـك يفيـدك واحفـظ فنونـه
***
تلعب لحالك ومـن يلعـب معـك بكـا **تحـوس لعبـه وتفكيـره ومضمونـه
***
خلك على الزاويه صوره مـع المركـا ** تصر عيـن علـى الدخـان مجنونـه
----------------------------------------------------------------------------------
ياوجودي
ياوجدي وجد من ضيع نعوله
لاقى وحده والاخرى مالقاهـا
عايش معاها من ايام الطفوله
شاب راس العود نعله مانساها
.
-----------------------------------------------------------------
مدرس رياضيات
.
إني أحبك حب السين للصـاد
فأنت للعمـر تبسيـط لأعـداد
***
جمع الأحبة عندي خير مسألة
فكيف أجبر عندي كسرك العاد
***
في قسمة الله أرزاق لنا طرحت
ويضـرب الله أمثـالا لمـزداد
***
جذر المحبة تربيـع لعشرتنـا
وجدول الهم عندي رائح غـاد
----------------------------------------------------------------------------
شاعر مشكلجي
.
كنـت ماشـي لحالـي فـي طـريـقٍ ظــلام
ثـم سمعـت استغاثـة صـوت عالـي دويّـه
***
يوم قرّبـت .. والا شخـص يطـرد مـدام
قالـت الحـق عليّـه كـان عـنـدك حمـيّـه
***
قلـت لبّيـه جيتـك بعدمـه لــك عــدام
ويل ويله توفّـى .. طـاح بيـدي ضحيّـه
***
وجيـت طايـر بطـقّـه وانتـقـم إنتـقـام
مبطـيٍ مـا تهاوشـنـا وفيـنـي شهـيّـه
***
يـوم جيتـه ندفتـه نـدف لكـن تـمـام ؟
وقلت ودّع .. ولكـن قـام يضحـك عليّـه ؟؟
***
قلـت يمكـن ؟ وعلّـه قـوة الإصطـدام ؟؟
أثّرت فيه وانجن .. رووووح ماقوى إيديّـه
***
وقمت اهفّـه يميـن اشمـال خلـف وأمـام
ثابـتٍ مـا تحـرّك ؟؟!! أشهدنّـه بليّـه ؟؟
***
ثـم نظرلـي بنظـرة شـر ترمـي سهـام
وقال : اغمّض وافتّـح مـا أشوفـك هنيّـه
***
قلت : ماني بخايـف منْـك يابـن الحـرام
ثار!! وازبد !! وشمّر ساعـده فيـه نيّـه ؟؟
***
وزرّنــي زرّةٍ منـهـا فـقـدت الـكــلام
صرت بيديـه مثـل الطفـل واردى شويّـه
***
وصار يضرب .. ويضرب .. وانسجم إنسجام ؟
وبين ضربه وضربه كنـت اشـوف المنيّـه
***
ويوم خلّص .. رماني .. صرت كومة عظام
جيت بنحاش .. قال : اصبر ترى تمثليّـه
***
واشّـر لبـاص واقـف غيّمـوا فيـه جـام
وقال: إضحـك وطالـع كامرتنـا الخفيّـه ؟؟
---------------------------------------------------------
هذا واحد لوح
لي صاحب منّه تبي تطلـع الـروح
خبلٍ ومنهي مولعـه فيـه خبلـه
***
عامين المّح له من الجد ومـزوح
وأقـول ياعنتـر تناديـك عبـلـه
***
طال المدى ثم قلت انا أغليك يالوح
مجروحـةٍ جـرحٍ مخاطـره عجلـه
***
دنّق وقال : أنا من العام مجروح
واشّر لجرحٍ مبطيٍ وسـط رجلـه
. ---------------------------------------------------------
عاد هذا ضيوف
قال الذي بطنه من الـرز مليـان **يلهم من المزه على غيـر قـادي
عمره وصل خمسين ماذاق قرصان ** ولا ناظر المرقوق وسط البـوادي
يدربي كرشه ويتمشـى بليهـان ** وان قلت له وين انت به قال غادي
ماهو بمثل اللي يمـر دوم دكـان ** شرى طحينيـه وخبـز وزبـادي
---------------------------------------------------------------------------
اما هذا مخربها مع العجيز
أحدٍ عشاه القرص ومفطّح الحيـل
واحدٍ عصيدٍ يلعط الكبـد حـرّه
***
واحدٍ يلاعب لابسـات الخلاخيـل
وأحدٍ عجوز شاف منها المضرّه
***
واحدٍ يصجّه حس صوت المحاحيل
واحدٍ يتشفّق فالشهر صب كـرّه
***
يارب عدّلها عن الحيـف والميـل
والا انت ميّلها على الناس مـرّه
.
------------------------------------------------------
ولاهذا احول
لي حبيب ٍ لاعني بالكبـد لـوع
بعد ماشال الغطـا بـان الخطـا
***
من صباح السبت الى يوم الربوع
كنت احبّه والهوى فينـي سطـا
***
لين جا يوم الخميس اللي يروع
بان وجهه .. جعل وجهـه للوطـا
------------------------------------
هذا لبناني مع ابدوي
يقول شـو بـدك وانـا اقـول بـدي **افرك خشمـك ياعشيـر النسانيـس
***
قال: اوعى ...اوعى قلت توعى لجدي ** شايب ولكنك حمـر... ول ياابليـس
***
صد وشتـم انـت البسينـا وعنـدي **إلك مصيبي هيـك أد البحـر ئيـس
***
قلت ايه اقيس انك تبي دبـل كبـدي **مير تخسى قال : وعم تسب ياتيـس
***
وش عرفه بالتيس وماادري ويمـدي **لارحت زحله اعرف اش مقصد الهيس
.
-------------------------------------------------------------------------
لا وهذا مضيع
يامرحبا بك عدد ماطار تمسـاح
او عدد ماتنقش سنون النعامـه
***
او عدد مايزعل على الموز تفاح
وعداد قشر في بعير وسنامـه
***
او دب امعط لابغى يطير ماطاح
الا بجـرف بعيـد ولا عدامـه
***
والا خروف دايم الـدوم نـواح
ضيع ثغاه وجاب صوت الحمامه
***
على عشير كـن زولـه لاراح
كنغر وشكله مايعرف الوسامـه
***
ماشافني وانا مع السوق رواح
صد وتركني بين شبه وعلامـه
. ------------------------------------------------------
لاحول ولاقوتا الا بالله
مسكين ياعقدٍ على عنـق شينـه
وجهٍ غبر دمّر وهج عقد الألماس
***
وين الهبيل اللي تبـي تفتنينـه
والله يا لولا العقد لاقول : عبّاس
------------------------------------------
شاعر مصدع
.
انا وليفـي طـش راسـي غرامـه
لـولاي اكافـح حبهـا بالبـنـدول
***
خلـي ذبحنـي طسمتـه واللثامـه
والعين تشدي لابرق الريش مع جول
***
يقطش وليف الروح قطش الحمامـه
يامحلا ريقه مـع الشـدق سعبـول
***
ياناس انا هلـي واحـف السلامـه
واموت من حب اريش العين لاحول
***
خلي لمع في راس خشمـه زمامـه
ومعلق في الحلـق فضـه بدلـدول
***
تقـول قـرد فـي روابـي تهامـه
يفجعك شكله لاضحك كنـه الهـول
***
لا هـوب دبـه لا ولاهـو هـلامـه
ماشفت مثله سيد الاحباب عصقـول
. ---------------------------------------------------------
مدرس لغه عربيه
ولكم رفعت لأجلك المكسـورا
وجزمت قولا في هواك جسورا
***
كيف التصرف من فعال جمعها
يثني صحيحا أو يعل صبـورا
***
حتى المنادى لست أفهم وصفه
مادمت أنصب من مناي قصورا
-----------------------------------
شاعر بنشري
لقد ملأ الهوى قلبي هـواء
ونسم خاطري مسمار طرفك
***
تدوربي الهواجس دون جنط
على عجل أفتش حول حزمك
***
تحيرني عفاريـت الليالـي
وألقى الحل في تبديل بلفـك
|