قصيدة للشاعر سعود بن ضفيدع العنزي
[align=center]هذة القصيدة مشاركة من الاخ / سعود بن ضفيدع العنزي
بسم الله الرحمن الرحيم
بديت باللي عالما كل مكنون ... علام مايخفية غيب الزماني
اللي خلق دنياة بالكاف والنون... في حرف كاف ونون الكون كاني
علام مايخفا وما كان يبدون... مادار مابين الضلوع الحواني
اللي عبادة وسط بيتة يطوفون... ويدعون مابين الحجر واليماني
يدوم وجهك والمخاليق يفنون... وجميع مابالكون غير أنت فاني
أنت الرجا يوم المخاليق ياتون... عرايا حفايا كلهم في مكاني
يوم يخلي كامل العقل مجنون... كلن يقول الروح مافية ثاني
الام ترمي ورعها عندها ايهون... تقول هذا اليوم هولة دهاني
جميع ماسويت تلقاة مضمون... محصينة الكتاب يأتي ضماني
الي يعمل الشر بالشر ميون... واللي عمل حسنات يجزا حساني
من بعد ذكر الله وبليس ملعون... سجلت بالقرطاس زين العاني
مهدية للي لةهل الطيب ينخون... زحول الرجال الي تسد المكاني
مهدية أنا لقبلان وافول تكفون... خلك مثل هداج بة ريهجاني
ري الكبود الي بها الحر مكنون... يروي كبودا من ضماها تعاني
ننخاك ياقبلان لطلاق مسجون... ابن الضعيف اللي بة الحيل داني
اللي ذبح لوكان لبنك يردون...والله ما ينطق بالشفاعة لساني
بدهان وسط الحبس لك صار مديون... بين الذرا والنار هو والحضاني
ارحم رحمك الله وللعفو تقوون... شيا حصل مقدور والاجل داني
العفو طبع الرجاجيل تدرون... خلك لنا نبراس في كل شاني
عبدالعزيز يقول قولا بة اشجون... تهون في عين العظيم السماني
مثل المهادي قال لمفرج اتهون... وعطاة ذودا جمعوة العواني
نسألك ياقبلان بمكون الكون... اطلق تباشير الفرح والتهاني
انتة من ناسا للجمالات يسعون... عيال مكلب طيبهم مايهاني
خلك مع الوافين لسمك يعدون... مثل القمر بالليل نورة يباني
وبجرا عضيما عند ربك تفوزون... يوم اتقاضا الدين من المداني
من لاصبر ماطاب ياللي تعرفون... الطيب جزمة مايجي بالتماني[/align]
ارجو منكم ان تسامحوني اذا كان هناك غلطات املائية لاني كتبتها على عجلالة
|