[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بسم الله الرحمن الرحيم

قالو لي شايب قلت شيبي ماهو عيب**=**هذا الو قار اللي على عارضي لاح

ولاهي غريبه لو كسى عارضي شيب**=**مافيـه يـوم ًمروالبـال مـرتـاح

وقالو تطيب وقلت وشلون ابا اطيـب**=**والطيب عني بعد لنـدن عـن انسـاح

معذبن روحي مـع الوقـت تعذيـب**=**والله يعـلـم بالفـوايـد والأربـاح

أرقى واعـدي عاليـات المراقيـب**=**لانـي بـدوارن ولانـي بــسـراح

نهجت ادور قصة الزيـر وكليـب**=**وقعت بدرب المغربي وبـن طلفـاح

وقالو لي ان الصبرممـدوح ومثيـب**=**وعندي يقيـن انـه للافـراج مفتـاح

وشفته مرار يشطـب القلـب تشطيـب**=**ولاكل رجل يقدر الصبـر ياصـاح

وانا ثمـان سنيـن عـداً بترتيـب**=**و همي بقلبـي لاتحـرك ولاانـزاح

واقسمت بالي يعلـم السـر والغيـب**=**مايثني عزمـي كـل لايـم وقـداح

والله لصارعها على الزيـن والطيـب**=**اليامـا اتبشرنـا اليالـي بالأفـراح

واجل الفتى مافيـه شكـن ولاريـب **=**بايديـن خـلاق الخلايـق والارواح

ومن خلقت الدنيا وهـارون وشعيـب**=**من الناس مايثني علـى راس مـداح

والحنظله لوهي على النيل ماتثيـب **=**والدوم مايطـلـع للأجـواد تـفـاح



[/poem]