عرض مشاركة واحدة
قديم 06-09-2006, 05:24 PM   #1




 
تاريخ التسجيل: Nov 2005
الدولة: ديرة الشنبل
العمر: 45
المشاركات: 455
معدل تقييم المستوى: 233
عبدالله الفاضل is on a distinguished road
افتراضي العتيبي مادحاً الفقير

هذه الأبيات قالها المرحوم المقدم / عوض غالب جعير العتيبي من حرس الحدود بالمنطقة الشرقية عام 1419هـ . شاكرا" لهزاع بن سعود سلطان الفقير على معروف سعى به لدى أمير الشرقية على التدخل بالجاه والوجاه من قبل صاحب السمو الملكي الأمير الشهم محمد بن فهد بن عبد العزيز وبموجب تدخل سموه تم العفو عن احد أفراد قبيلة عتيبة استحق عليه الشكر بهذه الأبيات.

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تسمعوا يأهل المذاهـب والاسنـاع = يأهل الجزيرة حضرهـا والبـوادي

البيضه ننشرها على وجـه هـزاع = أكثر بياض من الثيـاب الجـدادي

بيـاض ماينقـص بياضـه ولمـاع = علـى الـدوام وكـل يـوم يـزادي

في كل قيض وكل صيف ومربـاع = امشي بها في كـل ديـره وانـادي

على الفقير وخصلتـه بـاع وذراع = وتشمل عنزة أهل الوجيه البـوادي

قبيلة فـي كـل طيـب لهـم بـاع = عسى الحاهم ما يجيهـا السـوادي

قوم تحوش النصر في كل مطـلاع = وطلعاتهم طلعة صقـور الهـدادي

عاداتهم لن جاء من النشـر فـزاع = وركبوا على قحص المهار الجيادي

من فعلهم طرح المجوخ على القاع = دون العشايـر مقرعـات التـوادي

بشلف تخج الصدر من بين الاضلاع = ومطلاعها تطلـع بلـب الفـوادي

حرية اليا ركبوا على كل مطـواع = ودولة مجالس بالشـرف والمبـادي

ببيوتهم ريف الفـداوي ليـا جـاع = مايذبحـون الا كبـار الـهـوادي

بخورهم في كل الاوقـات لعـلاع = يجـي لهـا السايـر بليـا منـادي

البـن بالقنطـار والهيـل بالصـاع = وتفخـر مجالسهـم بعـود وزادي

نبذه من الماضي كما قطف نعنـاع = والا الحدود مـن الثريـا و غـادي

يستاهلون المدح فـي كـل مذيـاع = مسجل فـي صحفهـا والـروادي

اشكر بشكر يسمعـه كـل سمـاع = هذا الذي فـي قدرتـي واجتهـادي

والبيضه اكررها على وجه هـزاع = والمعذره لـو مابلغـت المـرادي

وصلاة ربي عـد ماهـب ذعـذاع = على النبي اللـي للإسـلام هـادي [/poem]


هذا رد من الشاعر محمد المحدى الفدعاني على الشاعر عوض بن غالب العتيبي 1419هـ.

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا الله يا منزل سحابك علـى القـاع = يـارب يامعـبـود رب العـبـادي

يلي سجدلـك يطلبـك كـل ركـاع = ياواحـد تعلـم خوافـي فــوادي

من بعد ذكرك يالولي جزت الابداع = وسجلت من قلبي جميـع المبـادي

ردا على اللي قال في مدح هـزاع = نسل الفقير الليـث وعـز المنـادي

الوايلي من عادتـه درب الاسنـاع = قـرم وغيـور بالمواقـف سـدادي

امدح بني وايل علي فرد وإجمـاع = ربعي الياصار اللقاء هـم سنـادي

هم عزوتي ربعي صناديـد وسبـاع = حامين تال الطرش يـوم الطـرادي

مرباعهم يعجبك فـي كـل مربـاع = وركبوا على حصن الرمك والجيادي

وكم خيـر منهـم للاجـواد فـزاع = هم فزعة المضيوم ضـد المعـادي

اولاد وايـل دوم حلويـن الاطبـاع = عز الضعيف اليـا جرالـه نكـادي

وانتـم عتيبـه صيتكـم بالمـلا ذاع = قبيلـة تعـرف صحيـح وكــادي

ذباحة الحايـل سنـد كـل ملتـاع = يزبنكم اللـي شـاف همـه وزادي

لطامة العايل علـى الخشـم قمـاع = ليا جاء نهار فيـه قـدح الزنـادي

ولابه عليكم يافتى الجـود مهـزاع = نعمـا بكـم يـا كاسبيـن امجـادي

قبيلة عتيبـه لهـا الطيـب منقـاع = مبطي لهم في سابق المجـد نـادي

ودنياك من صارت بها زند وكـراع = وانت تعرف يالقرم كـل اعتقـادي

ومثلي ومثلك عارف كل الأوضـاع = يا عوض وقتك صار ما هو بعـادي

والحر يشكي دوم من كثر الاوجاع = لو هد بالمقناص ما ضـن صـادي

والكذب بين الناس يا مسندي شـاع = بعض البشر عنده ترى الكذب عادي

يمشي بسوق الكذب شـاري وبيـاع = من كثر كذبه هـام فـي كـل وادي

والناس في رايي تصانيف وانـواع = وكلا ترى راية لـه اليـوم قـادي

وصلاة ربي عـد ماهـب ذعـذاع = على الرسول المصطفى خير هادي [/poem]


وسـلامـتـكـم
__________________
للتواصل


[email protected]

التعديل الأخير تم بواسطة فارس عنزة ; 06-10-2006 الساعة 01:45 PM
عبدالله الفاضل غير متواجد حالياً   رد مع اقتباس