عرض مشاركة واحدة
قديم 12-17-2005, 09:19 PM   #1
 
تاريخ التسجيل: Nov 2005
الدولة: الرياض
العمر: 38
المشاركات: 734
معدل تقييم المستوى: 238
فرحان الجولان is on a distinguished road
افتراضي قصسدة الشيخة لمـقـحـم الـصقــري الـعـنزي

[poem=font="MS Sans Serif,4,black,normal,normal" bkcolor="transparent" bkimage="backgrounds/40.gif" border="double,4,limegreen" type=0 line=0 align=center use=ex num="0,black"]
يا الله يالمطلوب يا وال الاقدار=إنت الذي مدات جودك لطيفه

يا الله يالمعبود عاون هل الكار=تحل شطاتٍ عليهم كليفه

اللي مجالسهم بها بن وبهار=ونجرٍ يصوّت للهجافا رجيفه

مكارمٍ للضيف أصيلات وكبار=ومفطحاتٍ في صحونٍ نظيفه

يا مزنةٍ غرّا من الوسم مبدار=اللي جذبنا من بعيدٍ رفيفه

تومر على كل المفالي بالامطار=تصبح بها خدان ربعي مريفه

غب الحيا فاحت بها ريح الازهار=تخالف النوار مثل القطيفه

ترعى بها قطعاننا سر وجهار=ترعى زماليق الفياض النظيفه

قطعاننا يا ما رعن دمنة الدار=في ظل مروين الغلب والرهيفه

ترعى بضف الغوش بقصاف الاعمار=تقطف زهر مرباعها مع مصيفه

في ضفّة الله ثم جبرٍ وجبّار=خيّالةٍ يوم الملاقا عنيفه

ترعى بها الوضحا من الذود معطار=غبوقة الخطار عجلٍ عطيفه

يبني عليها بنية اللُّبْن لجدار=عقب الضعف راحت ردومٍ منيفه

ما هي حكايا مسردٍ عقب ما نار=اللي نكس واطراف رمحه نظيفه

إن سوهجوا عنها قليلين الابصار=من دونها نروي السيوف الرهيفه

الصبر مفتاح الفرج عند الاذكار=ومن لا صبر تصبح حواله كسيفه

خطو الولد مثل البليهي إليا ثار=زودٍ على حمله حمل حمل أليفه

وخطو الولد يقعد على موتت النار=مع العرب يشبه لخطو الهديفه

وليا بخصته ما سوى ربع دينار=صفرٍ على عودٍ تضبّه كتيفه

وخطو الولد يا مال قصاف الاعمار=لا نا فعٍ نفسه ولا منه خيفه

وخطو الولد مثل النداوي إلى طار=صيده سمان ولا يصيد الضعيفه

حنا كما المشخص عن الصرف ما بار=بالوزن يرجح والمصاري خفيفه

ألا ومع هذا لك الله لنا كار=عن جارنا ما قط نخفي الطريفه

حنا نرى في زلّة الجار لو بار=نِضحك حجاجه بالعلوم اللطيفه

نرفى خماله رفية العش بالغار=ونودع له النفس القويه ضعيفه

ولا نبدي الخافي إلى صار ما صار=يفلج قصير البيت لو بان حيفه

أحدٍ على جاره بختْري ونوّار=واحدٍ على جاره صفاةٍ محيفه

الجار لا بدّه مقفي عن الجار=كلٍ بجيرانه يعد الوصيفه

نكرم سبال الضيف حقٍ وتعْبار=لا من ولد العفن شح برغيفه

لا بدها ترجع تواريخ واذكار=وتبقى لدسمين الشوارب وظيفه[/poem]

التعديل الأخير تم بواسطة محمد الهدبان ; 12-18-2005 الساعة 10:37 PM
فرحان الجولان غير متواجد حالياً   رد مع اقتباس