[poem=font="ms dialog,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
المجد له تاريخ قصه وعنوان = مضمونه الابطال فعل وبراهين
والشعر ديوان العرب ؟ يعني لسان = لافعال قومً ماتضمه دواوين
لنا ومّـنـا له مسيره وبرهان = مايختفي به عاشوا أموات حيين
مجد العرب حنا على مر الازمان = حنا سلاطينه ونبقى سلاطين
أسمع صهيل خيول وأشوف فرسان = والمح لميع سيوفهم والميادين
تؤمن بها عقولً وتشهد بها أعيان = حقيقةٍ ماهي سوالف مجانين
من واقع التاريخ صفحه لها شان = ماكنها الا سور وارض العرب صين
صفحة من التاريخ : تاريخ ويلان = فيها أختصار الازمنه والميامين
ليا أنتخى تاريخنا بـ .. ابن شعلان = من قبل شوشتنا تثور البراكين
له هيبة معزي وله باس شامان = مثل الجبل ثابت على العسر واللين
ما الله خلق مثله من الانس والجان = يعني بوقفاته زعيم الثقالين
ماقول غير اللي قبل وقفتي بان = تشهد به الاقصين من قبل الادنين
ذكرت من شيّد على العز بنيان = شيخً عطاه الله على الارض تمكين
شيخً صميدع سيرته تعِمر أوطان = ولاهو قصورً بالشيوخ المسّمين
ومن حقي أفـخر وآتمثل بالالحان = مادمت أنا وافي وربعي وفيين
لكن على بالي طرى قول ( راكان ) = وانا على نهج الرجال الشريفين
وأنا أفتخرت وزبدة الهرج نيشان = ولا خير في قولً بليا براهين
والوايلي سلطان من نسل سلطـان = مثل الذهب يرجح بكـل الموازيـن


[/poem]
ــــــ
ـــ
ـ

__________________