الناس تسأل تقول ( البيت من بيته . . ) ؟

مدخل :-







أنت السماء بعيون مغليك والأرض




ألقاك لا رفرفت ... وألقاك لا طحت





لو كان حبّك فرض أسهل لي الفرض




على الأقل ، إن كاني أدّيته / إرتحت !













يابايـع الحلـم لـ الواقـع علـى فكـره

حبّـك قبـل لا أتعلّـق بـه / تناسيـتـه




عشـان بعديـن لاغبـت وبـدا ، ذكـره

ما أضيق ، وأقول انا .. وشلون حبيتـه ؟!




الحب .. بأول نفس لـو حـسّ بالسكـره

مع .. كل نسمة هـوى تسمـع تناهيتـه




ماهـو بكيـفـك إذا تبـغـاه / تفتـكـره

معروف .. ماله طعـم لامـات وأحييتـه




من طيبي الجـرح كـان يبادلـك شكـره

ومن طيبك إن طـال نزفـي ، ماتباطيتـه




كـم بيـت لـعيونـك الثنتيـن مبتـكـره

والناس .. تسأل تقول : البيت من بيتـه ؟!




( وجيه الأيام ) لـو تضحـك لنـا عكـره

والحلـم .. ماينتحقـق ، لـو ترجيـتـه




ولو لـ الفرح درب .. ماكان الحزن ، حكره

أخـذت .. مُجمـل أحاسيسـي ومريـتـه




إنسان أواصل وأفـارق وأعشـق وأكـره

مامت ... لو مـا أحقـق / مـا تمنيتـه




إن طاح من عيني اليـوم الرجـا ، بكـره

وإن طـاح بكـره .. تبسّمـت وتعديـتـه




حتى أنت .. إذا ودك تفارق ، علـى فكـره

ما أنت أول إنسان ( خلانـي وخليتـه ) !!










مخرج :-




القادم أفضل

ذائقه اعتلت لقمة الذوق
وكلمات نسجت اروع المعاني الواقعيه
اسجل اعجابي+*****
لاتحرمنا جديدك
بانتظار المزيد
لك ولذائقتك خالص احترامي ..
)=

الله يعطيك الف عافيه جرحني

على الاختياااار الجميل

ولك تحياااااااااااااتي

اخوي مشعل شكرا لمرورك على موضوعي وهذا شرف لي ووسام على صدري

اخوي ابو تركي شكرا لمرورك على موضوعي وهذا شرف لي ووسام على صدري

مشكوووور يالغالي على الموضوع الرائع