|
منتدى قصص وقصائد الباديه يدون بهذا المنتدى جميع القصص المصحوبه بقصائد لجميع القبائل والعائلات |
الذهاب إلى الصفحة... |
|
أدوات الموضوع | انواع عرض الموضوع |
05-28-2006, 12:34 PM | #1 |
تاريخ التسجيل: Nov 2005
الدولة: الرياض
المشاركات: 154
معدل تقييم المستوى: 230 |
البـدو واللـي بالحضـر نازلينـا
[align=right]بداح العنقري كان من امراء ثرمداء ... وكان رجل تاجر ... وكانوا يجونه البدو كل سنه يشترون منه بالدين اغراضهم وحوائجهم وكان رجل آمين وخلوق وكريم وصاحب مروه وشهامه ... وكان يديّن اللي يشترون منه الي السنه اللي بعدها يجون يشترون منه ويعطونه فلوسه الاوله ....
وحدى السنين جاه احد خوياه يشتري منه وكانت معه بنته مزيونه .... المهم ان بداح رحب بهم واكرمهم واشتروا منه ورجعوا لديارهم بالباديه .... فقرر بداح الا ان يتزوج بنت صاحبه ... وفعلن عقب مامشوا منه وبعد كم يوم من مشيهم .. ويوم هقا انهم وصلو ديارهم شد على فرسه ولحقهم ... ايام وليالي لاوالله الا هو واصلن عندهم ..... فرح خويه بالحيل وهلا به واكرمه ... وثاني يوم قال بداح لخويه انا جايك طالب ايد بنتك هيا ... فقال ابرك الساعات وارخص لي اخذ راي البنت ... فراح الابو ونشد بنته وبداح يسمع حيث ان صوتهم كان مسموع .. وقالها يابنتي بداح العنقري جاي يطلبك حليلتن له وش تقولين ؟؟ قالت البنت : هذا حضري .. خيال تصفيح مايصلح لي ولا أصلح له ..... سمع بداح كلام البنت ... فجاء الابو مستحي وماتكلم .. قاله بداح ماله داعي الحيا والزواج قسمه ونصيب .. مير انت بيض الله وجهك وارخص لي هالليله ابي انام والصبح ابي امشي لاهلي ... المهم جاء الليل وعجز لا ينام بداح من القهر من اللي سمعه ان البنت ماتشوفه شي وانه ماهو شجاع ولا به خير .. فتمنى بس لو يجي موقف يقدر يثبت به وجوده ........ المهم يوم اصبح الصبح مع الفجر .. يوم صاح الصياح ..... الغزو الغزو .... اثاري قبيلة ,,,,,,, غازين وماخذين حلالهم .. فتفازعت القوم والحقوا الفضول وبداح قاعد ايتقهوى ماتحرك ابد (( لان الضيف مايلزمه شي )) فجته البنت هيا اللي كان يبيها تناظر له باحتقار وتقول حضري خيال نظره ..... حضري خيال نظره .... تعني انه بس مظهر ومحتقرته لانه مافزع مع القوم ........... المهم وهم يلحقون الفضول واتشابك السيوف ويعجزون اهل الحلال لا يفكون حلالهم وهم يرجعون حول الضحى منكسرين وخايبين ولا ردوا شي .... وبهكاللحظات والناس والحريم كله طالعه تناظر الحال فقام بداح يوم شاف ان معازيبه انكسروا وقدام الكل والبنت تشوفه وركب فرسه وخذا رمحه وطنب يم ,,,,, يبي يرد الحلال لحاله ..... الناس استغربت والبنت اندهشت ... وهو يلحق ,,,,,, وادخل بينهم واذبح واذبح والبخيت اللي نجا .. وهو يرجع بالحلال حروة العصر لحاله ... وكانت الناس تستقبله كله .... واول ما اقبل يم الديره ومعه الحلال اركضت عليه هيا وقامت تهلهل مثل انه تعتذر منه وقابله الزواج به .... فركز رمحه عندها وقال : [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] الله أحـد يامـا غزيـنـا وجيـنـا=وياما ركبنـا حاميـات المشاويـح ويامـا علـى اكوارهـن اعتليـنـا=وياما ركبناهن عصيـرن مراويـح ويامـا تعاطـت بالهنـادي يديـنـا=وياما كسبنا من حـلال المصاليـح وراك تزهـد يريـش العيـن فينـا=تقول خيال الحضر زين تصفيح ؟؟ !! الطيـب ماهـو بـس للضاعنيـنـا =قسّم علـى كـل الوجيـه المفاليـح البـدو واللـي بالحضـر نازلينـا =كلن عطـاه الله مـن هبـت الريـح يوم انجمر رمحي خذيـت السنينـا=واودعت عنك الخيل صم(ن) مدابيح هيا عطينـا الحـق .. هيـا عطينـا =وان ماعطيتيـنـاه والله لا صـيـح لاصيح صيحت من غدالـه جنينـا =والا خلوجـن ضيعـوه السواريـح ياعـود ريحانـن بعـرض البطينـا=ومنين ماهب الهوا فـاح لـه ريـح يابو نهيد(ن) تقل فنجان صينا =والا كما بيضن للمشقا ذوابيح لاخـوخ لا رمـان لاطلع تينـا =ولا مشمش البصرة ولا هن تفافيـح [/poem] ويقولون عقب القصيده مشى وخلاها ماتزوجها فقامت هيا من زود القهر وحطت الرمح بصدرها وماتت قهر انها عييت عليه وهو عيا عليها[/align]
__________________
خطو الولد مثل البليهي اليا ثــــــــــار =زود ٍ على حمله نقل حمل أليفــــــه
يشدا هديب الشام شيّال الاقطــــار =واليا كبر حمله تزاود رفيفــــــــــــــــه وخطو الولد مثل النداوي اليا طــــــــــار =صيده من الجزلات ماهي ضعيفــــــه ترجي العشا من مخلبه وقع وطيــــار =حسه على صيد الخلا له وحيفـــــــه |
05-28-2006, 04:33 PM | #2 |
المشرف العام
تاريخ التسجيل: Nov 2005
الدولة: Mercury
العمر: 50
المشاركات: 23,759
معدل تقييم المستوى: 30 |
مشاركة: البـدو واللـي بالحضـر نازلينـا
قصه مليئه بالعبر والدروس
التي تدعو إلى عدم الإستهانه بالآخرين والتقليل من شأنهم والتسرع في الحكم عليهم أشكرك أبو فيصل على ماقدمت لاعدمنا قلمك المعطاء فارس عنزة
__________________
|
05-29-2006, 11:17 PM | #3 | |
تاريخ التسجيل: Nov 2005
المشاركات: 509
معدل تقييم المستوى: 237 |
مشاركة: البـدو واللـي بالحضـر نازلينـا
اقتباس:
|
|
05-30-2006, 12:04 AM | #4 |
ولد نمران
تاريخ التسجيل: Apr 2006
المشاركات: 694
معدل تقييم المستوى: 30 |
مشاركة: البـدو واللـي بالحضـر نازلينـا
قصه مليانه بالعبر والدروس
شكراً لك اخي ابو فيصل على موضوع الجيد
__________________
اخوكــم
عبد الله رمضان ظاهر شطيط عطالله خليف حمد علي نمران نومس دليم صقر علي سليمان عبيد بشر وائل عنزه عمرو أسد ربيعة نزار معد عدنان |
05-30-2006, 02:06 AM | #5 |
تاريخ التسجيل: Oct 2005
الدولة: الرياض
المشاركات: 919
معدل تقييم المستوى: 246 |
مشاركة: البـدو واللـي بالحضـر نازلينـا
الله يابو فيصل قصة وقصيدة رائعتان
بس ليتك تمسح السطر الأخير حتى لو كان صحيح
__________________
|
05-30-2006, 03:40 AM | #6 | |
تاريخ التسجيل: Feb 2006
المشاركات: 338
معدل تقييم المستوى: 230 |
مشاركة: البـدو واللـي بالحضـر نازلينـا
اقتباس:
بس اايد اقتراح ادمرال بمسح السطر الاخير |
|
05-30-2006, 05:07 PM | #7 |
تاريخ التسجيل: Nov 2005
المشاركات: 1,140
معدل تقييم المستوى: 249 |
مشاركة: البـدو واللـي بالحضـر نازلينـا
الله يعطيك العافية أخوي أبو فيصل على هذه القصة ، وحسب معلوماتي أن البنت بنت شيوخ أحد القبائل فما أدري هل المعلومة التي لدىّ صحيحة وإلاّ غير صحيحة أرجو أفادتي .
__________________
تجنب الأخطاء الإملائية واللغوية = لأنّ مقدار إتقانك للغة يعكس مدى ثقافتك
|
05-30-2006, 06:28 PM | #8 |
تاريخ التسجيل: Feb 2006
المشاركات: 1,591
معدل تقييم المستوى: 255 |
مشاركة: البـدو واللـي بالحضـر نازلينـا
الله يعطيك العافية أخوي أبو فيصل على هذه القصة
|
05-30-2006, 07:47 PM | #9 |
تاريخ التسجيل: May 2006
المشاركات: 100
معدل تقييم المستوى: 223 |
مشاركة: البـدو واللـي بالحضـر نازلينـا
شكراً لك اخي ابو فيصل على موضوع الجيد
__________________
|
07-15-2010, 02:58 AM | #10 |
تاريخ التسجيل: Jul 2010
المشاركات: 11
معدل تقييم المستوى: 0 |
رد: البـدو واللـي بالحضـر نازلينـا
القصيدة رااااااااااااااااااااااااااائعة جدااااااااااااااااااااااااا - بس القصة؟؟؟؟؟؟؟؟؟؟؟؟؟؟؟؟؟؟
|
الذين يشاهدون محتوى الموضوع الآن : 1 ( الأعضاء 0 والزوار 1) | |
انواع عرض الموضوع |
العرض العادي |
الانتقال إلى العرض المتطور |
الانتقال إلى العرض الشجري |
|
|