سالت عنك

سألت عنك من كثر ماتحريت ،،
محدن درى وش صاب عين (النداوي) ؟!
.
بنت الرجال اللي لها فالوغا صيت ،،
أحبها حبن عفيفن رهاوي
.
لو إنها بتروح الأنفس ماذليت ،،
أقدم على صوت الفشق والعزاوي
.
إن فزت.. فزت بشوفها من هل البيت ،،
و إن مت لجل عيونها.. وش يساوي ؟!
.
طبعي كذا عن حاجتي ماتخليت ،،
دام الهوى يلعب براس الهواوي
.
ياا صااحبي.. ياا منووتي..
ليه صديت ؟!
هذا جزاة اللي خفوقه رجاوي !!
.
هذا جزاتي يوم أنا لك تعنيت ؟!
جيتك عقب طول المسافات ضاوي
.
هذا جزاتي يوم حبيت وأغليت ؟!
جرحتني !! وأنا أحسب إنك مداوي
.
" الله واكبر " لابعدت وتغانيت ،،
و أنا رفيقك فوق كل الهقاوي
.
إن كاني زليت.. باقول: زليت ،،
و إن كان مازليت.. ويش أنت ناوي ؟!
.
إما رئفت بحال خلك و رديت ،،
ولا _ دخيلك _ رد قلب الشقاوي

ياا صااحبي.. ياا منووتي..
ليه صديت ؟!
هذا جزاة اللي خفوقه رجاوي !!
.
روعة بكل معاني الجمال

.
إن فزت.. فزت بشوفها من هل البيت ،،
و إن مت لجل عيونها.. وش يساوي ؟!
.
كلمات جميلة ..
وابيات رائعه

صح لسانكـ ..


دمت كما عهدناك

تشكراتي

سامي التويجري ...انا

التميز مروركم الغالي

ويسعدكم واين كانتم

صح لساانك ولساان الشااعر
اختيار رائع كروعة حضورك

ماشاء الله عليك اختياراتك كلها روعه

الله لايحرمنا من هالذوق الرفيع

دمت متميز ومتألق

..

الم الزمن

صح بدنك

والله لا يحرمني من مرورك الغالي

لكي جزيل الشكر على التعليق الجميل