|
منتدى قصص وقصائد الباديه يدون بهذا المنتدى جميع القصص المصحوبه بقصائد لجميع القبائل والعائلات |
الذهاب إلى الصفحة... |
|
أدوات الموضوع | انواع عرض الموضوع |
|
02-22-2011, 03:41 PM | #1 |
تاريخ التسجيل: Jul 2007
المشاركات: 2,712
معدل تقييم المستوى: 260 |
العود والبنت
محاوره قديمة بين فتاه وشايب في الثمانين من عمره..
بدايه القصه .. عن شايب اسمه حمدان وهواوي ( قلبه خضر ) ما يشوف بنت الا يجي لها ومشهور بانه ينصب دايم مع البنات . فيه بنت لها سوالف وصاحبة مقالب قالت في نفسها انا ليه ما اروح للشايب وامزح معه واضحكه شوي واشوف ردة فعله كيف تكون . راحت له وسلمت عليه وقالت كيف حالك يا شايب رد عليها السلام والله بخير الله يابنت .. وفجأه عطته ظهرها ومشت وماقالت له شي . وزعل الشايب من حركتها وقال فيها كم بيت يستعطفها فيها وانه ذكرته بالماضي وان ماعطته فرصة يلحق اخوه بقبره ويذكر التاريخ واليوم اللي قابلها فيه يقول الشايب : يا بنت خوذي خاطري وارحميني لا تجرحين العود بعيونك السـود غضي نظرك وغطي الوجنتيني لعل يومٍ جدد الجرح مـا يعـود يوم انتهى مع مرمسات السنينـي جتني صواديفه على غير مقصود باول شهر عشره نهار الثنينـي حمدان مروا به على جنازة حمود البنت كانت تقصد من استفزازه انها تجاريه في الشعر وترد عليه والشايب ما كان يدري انها شاعره وعلى باله ما خذ راحته في التغزل ردت عليه بهذه القصيده تقول : يا شايب الرحمن وينـك ووينـي عزي لحالك قدمك الباب مسـدود قلبك عطوف وجاه قلـبٍ متينـي والبنت ما تشفق على مغازل العود حبل الرجا مقطوع بينك وبينـي مثل الغليث اللي رعا قلبه الـدود اقفى شبابـك والعـرب مقبلينـي يا عود ما يرجع من العمر مفقود ازعلته يوم قالت له انك عود وان الشباب ما يرجع وان ما فيه امل تعطيه فرصه دري العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه يقول حمدان : يا بنت صدي بالعيـون الظليلـه لا صد عنك الله نهـار القيامـه مالي ومالك يالفـروع الطويلـه لو فيك من رسم البـداوه علامـه يابنت ما لـي بالثمانيـن حيلـه اهدف كما تهدف على البير قامه اقفى شبابي والدهر شفـت ميلـه يالله حسـن الخاتمـه والسلامـه اعطيك موجز والبضاعـه قليلـه واخذت لك من صافي الماء سنامه راحت الايام والشايب مسكين كبرسنه وهي بنت وتقول له كيف اعطي شايب وجه بعد فتره مرته مره ثانيه وردت عليه السلام واستفزته وراحت وخلته وزعل الشايب وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب يقول حمدان يا بنت ما جاتس الكبر والخشونـه وعادت شباب اليوم يجفل من الشيب ياسرع ما وبلـك تمـزع مزونـه يالفاتنه يـا ام الثمـان الرعابيـب يا بنت ما بينـي وبينـك مهونـه كلمة شرف نبي تحيـه وترحيـب الله مـن عـودٍ ثقيلـه طنـونـه ينصاه راع المشكلـه والمواجيـب على الكرم والديـن نفسـه حنونـه تلقاه بالاجـواد شـرق وتغاريـب جهز الشايب الابيات وارسلها مع عجوز ووعد العجوز بهديه اذا وصلت الرساله لها . راحت العجوز وعطت البنت الابيات شافتها البنت وقفلت على العجوز قدام بيته وقالت مثل ما جيتي بابياته . ترجعين له بابياتي العجوز مسكينه قالت طلعيني ولا ابي منكم شي الله لا يعودكم انتم واوراقكم ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف تقول البنت العود عود وطايحـاتٍ سنونـه من كثر ما يرقد على جرة الذيب عودٍ مهرقل والعرب ما يبونـه ياعود ما لك في طويل المراقيب اقفى شباب العود راحت حتونـه مثل اليتيم اللي بكا ما له مجيب جداه ينثر دمعة ٍ مـن عيونـه غريق موجٍ ما لقا له مقاضيـب وسلامتكم ,, مو هين هالشويب
__________________
|
02-22-2011, 03:46 PM | #2 |
تاريخ التسجيل: Nov 2005
المشاركات: 6,831
معدل تقييم المستوى: 362 |
رد: العود والبنت
لا ماهوهين
شكرا اخوى على نقل القصة والابيات |
02-23-2011, 04:27 AM | #3 |
تاريخ التسجيل: Jul 2007
المشاركات: 2,712
معدل تقييم المستوى: 260 |
رد: العود والبنت
اقتباس:
المشاركة الأصلية كتبت بواسطة كامل الخدلي لا ماهوهين شكرا اخوى على نقل القصة والابيات كامل الخدلي .. العفوو منوور المقصوورة .. ياباش مهندس .. باونتي لقلبك و//ww
__________________
|
02-22-2011, 04:53 PM | #4 |
تاريخ التسجيل: Jan 2011
الدولة: الرياض
العمر: 45
المشاركات: 1,104
معدل تقييم المستوى: 185 |
رد: العود والبنت
انا
يعطيك العافيه اخوي طرح اكثر من رائع تقبل مروري وتقديــري
__________________
حمداً لله على سلامتك ياخادم الحرمين الشريفين |
02-23-2011, 04:29 AM | #5 |
تاريخ التسجيل: Jul 2007
المشاركات: 2,712
معدل تقييم المستوى: 260 |
رد: العود والبنت
اقتباس:
المشاركة الأصلية كتبت بواسطة خيال القضاة انا يعطيك العافيه اخوي طرح اكثر من رائع تقبل مروري وتقديــري الله يعافيك ويسلمك الرائع هوو مرورك تشكراتي
__________________
|
02-22-2011, 04:59 PM | #6 |
تاريخ التسجيل: Aug 2009
المشاركات: 5,076
معدل تقييم المستوى: 282 |
رد: العود والبنت
هههههههه
والله حطمته اخوي انا تسلم على نقل القصه والقصيده دائماً تتحفنا بمواضيعك الشيقه دمت ودام ابداعك
__________________
فديت روحك يابعد روح مغليك=غالي ولاجلك كل (سلطان) غالي
يحفظك ربي وادعي انه يخليك=ياقرة عيوني ويارأس مالي |
02-23-2011, 04:32 AM | #7 |
تاريخ التسجيل: Jul 2007
المشاركات: 2,712
معدل تقييم المستوى: 260 |
رد: العود والبنت
اقتباس:
المشاركة الأصلية كتبت بواسطة ابوسلطان هههههههه والله حطمته اخوي انا تسلم على نقل القصه والقصيده دائماً تتحفنا بمواضيعك الشيقه دمت ودام ابداعك الله يسلمك خيوووه .. منوور محطتي .. تشكراتي ..
__________________
|
02-22-2011, 08:46 PM | #8 |
تاريخ التسجيل: Jul 2008
المشاركات: 7,960
معدل تقييم المستوى: 353 |
رد: العود والبنت
يعطيك الف الف عافيه على طرحك الرائع
ولاتحرمنا من جديدك الرائع وفي انتظار المزيد من روعه طرحك تحياتي لك
__________________
اللهم يا رحمن ارحم والدي اغفرله وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس • اللهم ابدله دارا خيرا من داره واهلا خيرا من اهله وادخله الجنه واعذه من عذاب القبر وعذاب النار •• اللهم انسه فى وحدته وانسه فى وحشته وانسه فى غربته • اللهم اجعل قبره روضة من رياض الجنه ولا تجعله حفره من حفر النار • اللهم اعذه من عذاب القبر وجاف الارض عن جنبيه |
02-23-2011, 04:36 AM | #9 |
تاريخ التسجيل: Jul 2007
المشاركات: 2,712
معدل تقييم المستوى: 260 |
رد: العود والبنت
حلا الويلان الله يعافيك ويسلمك ..!! منورة محطتي تشكراتي
__________________
|
02-23-2011, 12:04 AM | #10 |
تاريخ التسجيل: Nov 2008
المشاركات: 7,355
معدل تقييم المستوى: 339 |
رد: العود والبنت
بيض الله وجهك نقل رااااائع ولكن اسمحلي اقول لك
الموضوع مكرر http://www.al-welan.com/vb/showthread.php?t=22582
__________________
I thank those who work for me this signature Is not necessary to know who I am
|
الذين يشاهدون محتوى الموضوع الآن : 1 ( الأعضاء 0 والزوار 1) | |
انواع عرض الموضوع |
الانتقال إلى العرض العادي |
العرض المتطور |
الانتقال إلى العرض الشجري |
|
|