ياعنك ماعاد الرجاله لها صيت=راحت مع اللي شيدوهـا بزمنهـا

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تهيض الخاطر وسجلت وابديت = يوم ان عيني شافت اللي غبنهـا

وانا لياضاقت بشعري تسليت =تشرحني القيفان واسحـب لحنهـا

ارتاح يوم انحت من الفكركم بيت=عما رهق نفسي وسبب شجنهـا

لو قالو ان الشعر كله تناهيت =عنـدي لهاالكلمـه جـواب دفنهـا

ليا اعتزيت وخاب ظنك بمن جيت= ضيقتك من وين المطاليع عنها

ماعاد تسلى غير لامن تغنيت = بالصوت ولا الرجل ترخي رسنهـا

والضيقه اللي هيضتني وسجيت= محتار انا فيهـا ومحتـار منهـا

ابا اسكت وتنطق بيوتي بما اخفيت=مثايل ماهمنـي مـن طعنهـا

الحق مايزعل وانا ماتجنيت=وادري علوم الصـدق طايـح ثمنهـا

ياعنك ماعاد الرجاله لها صيت=راحت مع اللي شيدوهـا بزمنهـا

اثريني اول غادي واستدليت=لقيت طيب النفـس يجلـب حزنهـا

الناس لو (مااعمهم) لاتراخيت=تصبح لهـم بشكيـر كـل رهنهـا

ليا ازعلتهم ترضى وتزعل ليا ارضيت=وحده من الثنتين ماحد قرنها

يالله تصبرني على ماتعنيـت=جملنـي بحالـي والاخـلاق زنهـا

لولا سواة شفتها مااستكفيـت = حتـى يتبيـن زبدهـا مـن لبنهـا

شفت الذي لولاه بالقاف مااصخيت= والسالفه ماني موضـح وهنهـا

باقي ثلاث بيوت للختم نويت= حكمة مجرب ماتبـي مـن ضمنهـا

من لافزع لك باليسيره وقفيت= ماهو ليـا جتـك العسيـره زبنهـا

ووقت الشدايد ينعرف كل خرتيت=ناس بليـا روح عايـش بدنهـا

واخير ماتفعل رجا حامي البيت=هو معطي الجزلات يامـر وينهـا [/poem]


سلامة الضوي الجعفري العنزي
وتقبلو تحياتي