ليه غزه ضربها هالوقت ذا مانستطيعه

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
التناقض عندنا حنا العرب صاير طبيعه=يوم تلقانا جنوب ويوم تلقانا شمالي

كان صدام اول فعوله بنظرتنا شنيعه=ويوم راح اصبح بطل يضرب بوقفاته مثالي

واليهود بشعبنا المسكين كم سووا فجيعه=من حوالي نصف قرن وهو بتعذيب ونكالي

ليه غزه ضربها هالوقت ذا مانستطيعه=تقل نستغرب من اسرائيل تصعيد القتالي

او حسبنا شعبنا المنكوب بحصون منيعه=عايش مرتاح تحت ظلال ويه من ظلالي

ياعربنا عادي الموضوع لو فيها خريعه=اصلا اللي صار يحدث من قديمات الليالي

يعني ان شفناه بالشاشات ضقنا بالوسيعه=كم خفى شي عن الشاشات به كل الوبالي

بعد ضيعنا شروط الدين وحدود الشريعه=لاغريب ليا نزل فينا العذاب ولاجدالي

كل مايحدث من انفسنا وقافي له تبيعه=مار اقول اطلبك يالمعبود سترك بالتوالي

احتلال الدار جايز دام لاقي له ذريعه=البلا بالفكر لاسيطر عليه الاحتلالي[/poem]