ولية يهودي لهل الاسلام والديـن

اضع بين ايديكم هذه القصيده المتواضعه وامتمنى ان تعجبكم

الله مـن قلبـن همومـه تــولاه=ولية يهودي لهل الاسلام والديـن
ماكنت اعرف الهم من قبل مهواه=عجب من اللي يشكي الهم والبين
اثر الهموم اليا لفت صعب ملفـاه=تجعل حياتك كلها شين في شيـن
صاير لذيذ النوم ياصعـب ملقـاه= تسهر عيوني والملا مستريحيـن
والزاد من عقبه تـرا مااهتنينـاه=زادي وشربي شوف زول المحبين
وجدي على اللي عذب القلب فرقاه= ماينوصف بالقاف والله ياحسين
يامـا تمنيتـه ويـامـا تمـنـاه= قلبن يعيش الهم ويقاسـي البيـن
القلب لامن حل ذكـره وطريـاه= يحزن وتدمع لجله العين والعيـن
الله يجيب اللي بالاضـلاع مـاواه=راع العيون السود هو كامل الزين
وختامها مانساه لو طـال جغواه=طبع الوفـا متمكنـن بالشراييـن



عبدالعزيز بن محسن بن كحيل الطويلعي العنزي