العزوبي والمتــــزوج

[[frame="10 80"]قال العـزوبي يــوم شــــاف المعـاريس**** الرابــح اللي لاقـــعد مــــايقــــــومي

أول سنـــة كـــلٍ يبث الأحاسيس **** وثاني سنة تجلب علـــــيك الهمـــومي

وثالث سـنة حط الرمل والمـــــتاريس ****لابــــد من حــربٍ تقــــوم وتـــدومي

لامن دخلت الــدار لاكــنها بلــــيس **** متلفـلفٍ في غالـــــــيات الهـــــدومي

تأخذ مـن المخباة وتسحب من الكـيس **** وتغـــــــير المــــوديــــل شيٍ لـــزومي

وان قلت مـــا أملك يامره لوهو فليس **** قـــــالت تــديـــّن لا تكــــــثر بلومي

ولاجيت مـرة نــاويٍ لـــك ب(؟؟؟؟) **** قـــالت تصّبر خل قلبك رحــــــومي

ليتك تســاعدني تصحح كـــراريــس **** زادوا علـينا أربع حصص في العـلومي

أزوارة في العصـــــر والصبح تــدريس **** واللــــــــــــيل تصحيحٍ وودي أنــــومي

تبكي إذا جاهــا وجع لوهو ضـــريس **** وتقـــول أبي دكـــتور مــاهـو حكومي

يـروح عمـرك بين عرسٍ وتـــأسيس **** واربــــع سنين والــــبزاريــن كـــومي

وسـط المطــابخ بين قز ومحـــامـيس **** هـــــــذا صحن رزٍ وهـــــذاك ثـــومي

والا خـلصـت إمنظفٍ المـــــــلالـــيس**** جتك تقــــول انهج نــبي زود لــومي

ولا جبت قالت اكنس الحوش تكنيس**** خــل البــلاط يصـير مـــثل النجومي

ومكـرسٍ جهدك من الخوف تكـريس**** وان نادتك بالصــــــوت اقبلت مــومي

يجيك تـال الليل دايــــم كــــوابيـس **** ويشــــيبنك مـــزعــجات الحلــــومي

هذي حياة اللي ركض بـــاغي(؟؟ههه) **** ضيع حيـاة أول وصـار محـرومي

تعيش يالمعرس حياة المحـــــــــابيس**** وشف العـــزوبي بكل شـــارع يـحومي

من مفرق جلاجل إلى جوي الونيـس **** وان حار حـايرهم بـــــوسطه يعـومي

يفـــرح إذا شاف الوتر والمـــــــراويس **** وفي كـــــل يـــومٍ كـــاشتٍ ومعــزومي

شف العزوبي مايعرف الهـــــواجيس**** ولا يـــــودي حـــرمـــته كــــل يـومي

يا عنـك ماحاش الفخر والنــــواميس **** إلا عــــــزوبيٍ يعـــــــرف الســـلومي

إذا اعـرس المعرس غــدا عندنـا هيس **** ونـزيــل اســـمه من ســـجل القــرومي

والى بغيت البهذلة والــدحـــــاويس**** فأعرس وخلك من عداد الـــــرخومي

وش صـابكم من عرسكم يا المفــاليس **** وش استفـــدتــوا غــير دق الخشومي

اللي تزوج أشهد انــه غـــدا تعــــيس**** والــــرابــح اللي مـــــاخذٍ له عمومـــي

تـرى عناق العــام نطت على الــتيس **** والـــحـــــرعقب العــرس يصير بومي[/size]


حصان الرجلــــــــــــــــــــــــــــــة[/frame]