ليل البارحه

[align=center]ليل البــــــــــــــــــــــارح
ذكرتك ليلة البارح سهرت ولا عرفت النوم
طرى إسمك على بالي وطار النوم من عيني
ثلاث سنين يالغالي تغيب ولا تجيني يوم
وأنا اللي غيبتك عني ثلاث أيام تشقيني
تركتيني مثل شخصٍ غريقٍ ما يجيد العوم
تلاعب بي جيوش الموج مدري وين ترميني
أخاوي الليل بغيابك حزينٍ شاقيٍ مهموم
أعاني لوعتي وحدي ولا به من يواسيني
يعيش الناس في قربك ومن وصلك أنا محروم
حنيني يشعل بصدري ونار الشوق صاليني
كثير الناس لاموني وزادوني ألم وهموم
وقالوا لي خلاص أنسى تراك أصبحت ناسيني
أنا وش لون لي أنسى وحبك داخلي مرسوم
وطيفك لو يمر لحظة مع النسمة يبكيني
أنا بصبر على بعدك مدام إن القدر محتوم
ولكن يا بعد عمري حرام إنك تجافيني
تمر سنين من عمري وجسر وصالنا مهدوم
وأنا مقدر على الفرقى وصعب إنك تناسيني
ولا ندري من الظالم ولا ندري من المظلوم
ولكن ندري بكلمة أراضيك وتراضيني
متى يصفى معك جوي متى تترك سمانا غيوم
متى تسعد بك عيوني متى تنور بك سنيني
متى تتركني أحزاني متى حظي معاك يقوم
متى بفرح مثل هالناس قلي يانظرعيني؟؟[/align]