البــــــــــــــــــــــحــــــــــــــــــــــــ ـــــــــر !!!!!!!!!!!!!

على مدى الأيام .. كان البحر بالنسبة لي
هو البحر
رمل .. أمواج .. صخر
كان البحر بالنسبة لي بس البحر
وعلى مدى الأيام ماقد لمس فيني المشاعر
الا ذاك اليوم .. يوم انه معي



يومها كان الوداع
وكان البحر دفتر والموج بيت من شعر
وبيتٍ ورى بيت .. وموجه ورى موجه
تكتب قصيدة حبنا
(وتمحي الجراح بجراح)
ومثل الفرح في دنيتي كان الفجر
عمره قصير .. وبكل حب اهدا نسيمه وراح
وتشرق الشمس .. لجل الخلايق كلها تقرا
قصيدة حبنا
ويومها ماكان للشمس اي نور
وبعض السبب كان الوداع
وباقي السبب انتي خذيتي .. من سماها النور
ولجل الصدق .. يومها كنت الشمس
وكان البحر عينك .. وادموعك امواج الشعر



آه يا اللقا.......... ماخذت من طبع البحر
ما للبحر آخر
آه يالفراق .......... ماخذت من ذوق الفجر
يمرنا عابر
(وآه يالعيون اللى انا منها عرفت)
ان البحر دفتر
وان القصيد امواج
وإن الغرام شاعر

من قصايد \عبدالرحمن بن مساعد