أبي أشكرك.............!؟

لحظة .. بغيت أسألك

قبل أشكرك...!؟

جمعت من الجسد مابقى منك

لملم وخذ كل ألي نثرته أبيدك


تأكد ...!؟

قبل ترحل وتترك ذراتٍ تّذكرك

لاتنسى حروفك في حنايا الجوف

وقلب تركته بصورتك ملفوف

وخذ معك النظر ترى قبلك أنا مكفوف

وجردني من الضحكات رجعلي دموع الخوف

تأكد...!؟

قبل تتركني وأتجمد

ترى دونك اللون الأبيض بالأسود يتوحد

والبكى والحزن يطغي بمسافات الفرح ويمتد

وأفقد هالبشر وتدفني والمشاعر تلحّد

وأعيش بغيبتك ميت و بسكرات الحزن أفقد

تأكد...!؟

قبل تمشي ولاترجع وتبعد

أبي أشكرك

وماقصدي أعد أشيائك وأذكرك

أبيك تطول الوقفه قبل لاتبتعد وأفقدك

أبي عيني تشوفك وتسرق أوصافك وأتمثلك

أبي أملاك بصدى ذاتي وأصرخ بك وأرددك

أبي أشربك بعيوني قبل تذبل لو نضب ماردك

أبيك تصب بفراغاتي ولاتاأخذ أشياء هي بغتك

أبيك أنت

أبيك بصوتك وحسك ماأبيك تغيب ويقيدني صمت

أبي أشكرك

ولاأوصيك ... لاتنسى ترى كذبي عجز ينكرك

ولاأوصيك ... !؟

لو مصمم غيب وألبس الكون إسواره بمعصمك

وخذ هالجسد خاتم تفاخر به وزين فيه أصابعك

كذا.. لو تبعد أنا مرتاح لأني بصفي قطعة بخنصرك

وأهجر عمري العاجز لا قادر يعيدك ولاممكن يكررك

شكراً ............. توي قدرت أشكرك