(( جتك ... " الـرسـالـه " ))

[poem=font="Simplified Arabic,7,white,bold,italic" bkcolor="transparent" bkimage="backgrounds/22.gif" border="double,4,gray" type=0 line=0 align=center use=ex num="0,black""]
(( جتك ... " الـرسـالـه " ))=[/poem]

و*17و*17

[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,4,gray" type=0 line=0 align=center use=ex num="0,black""]

أضحك واداري عباد الله واجاملها =والله على نعمة الكتمان قايدني

دورت بالخلق ؟ ضايعها وعاقلها =ولا لقيت اللي لامن ضعت يرشدني

حتى اللي بديته من الناس بأكملها=راح وغدربي ؟ ولاكنه معاهدني

مافيه حد يحفظ العشره ويبجلها ؟ =هذي الحقيقه .. وشكي مايراودني

ان مت .. كل ٍ نسى ذكراي واهملها =وان رحت .. محدٍ من العالم بفاقدني

عزاااااه ,, يا ( ضيقة ٍ ) بالصدر شايلها =وين اللي يبكي علي .. وان طحت يسندني

لاجيت أقرب لخلاني و أواصلها ! =لقيت حتى ( طريق القرب ) .. يبعدني ؟

ياللي جروحك .. عرفت شلون اعاملها =انا تعودت .. لاداعي تعودني

يا أول سنيني .. و آخرها .. و أجملها =الله معاك ومعي ؟ .. وأبيك توعدني !!

لاجات ذكراي في بالك ؟ .. تأملها =شف وش كثر كنت ! .. بالتعذيب تجهدني

ليتك مثل ماتخيلها ,, تخيلها =وتعرف الأحزان ! .. ياللي كنت ! مسعدني

اليوم ؟ .. سلم على (( الصوره )) وقابلها =ماعاد فيني شعور ٍ .. لك يجودني

والله .. مدري انا من وين احصلها=من ظيم الايام .. أو .. حظ ٍ معاندني

جتك ( الـرسـالـه ) .. وانا ماكنت برسلها ! =لكن ؟ .. هذي علومي يوم تنشدني [/poem]