مالـك بـها دام الهـوى بـيـد ذبــاح

ماعاد ينـفع قول هاتولـي سـلاح
صوبت سهمك والشعر قام يعطيك

يابـحرماني فـي شـواطيـك سبــاح
ولانـي عـلى مـركـب سفيــنه اباريـك

ارسلت همي يابحر ليش ماراح
تـبي حـياتـي تـنتـهـي وسـط اراضيـك

كان الزمن خلاك بلغـدر ترتـاح
شفني على كف الزمن صرت هاويك

بـمشي وسولف كل ماشفت سياح
انـي غـرقت وشـفـت عـينـي تحيـيك

اهلن هلا يابحر قافي معك طاح
من موجك الي كـنه يقول وش فيـك

تمسي على همن وتصبح على جراح
وتركض ورى شخص(ن)له سنين يرجيك

مالـك بـها دام الهـوى بـيـد ذبــاح
ابـعـد بـعيد وعـنـدي حـلول ترضـيـك

انـثر دموعك واعلن الشوق بصراخ
واجلس على جالي وموجي يسليك

وانسى هموم(ن)خلت القلب ينزاح
ورجع لدربـك كـان دارك تـناديـك

واترك حبيبك وعشق الطير سداح
تـراه وافـي وان نـخيـته يـلبـيـك

ولا تبي بحر(ن)معه راحت ارواح
غدار ماعنده عيون(ن)تـداريـك

عطني من ابياتك تماثيل ومزاح
وعطني دليلن بالشعر لجل اواسيك

قلت اه ياهمن توجد على اااااح
اختامها بـيـتن يجي لجل ينهيك

لايازمن خليت صيت الهتل صاح
ولايابحر ماعاش رجل (ن) غرق فيك