قصيدة انت .... وانا للشاعره البندري

[all1=FF99CC][align=center][align=center]قصيدة ,, انت .... وانا للشاعره البندري اعجبتني وحبيت انقلها لكم

هب نسناس البراد وفاح في صدري غرام
وانطلق ودّي يدوِّر في المتاهات ويحوم


وسقت لك خطوة غلا تتبع لها خطوة هيام
وجبت لك قلبٍ عليه من احتياجه لك وسوم


وشلت لك شوقٍ يداعب طيفك بكل اهتمام
و رد لي شوقي يجر اذيال خيبته مهزوم..!


واشتعل فيني فتيل الشك واسرف بي و حام
ايه احبك .. بس مدري وش اقول ومن الوم؟


ول ياكثر الجروح اللي تجي مثل السهام
وآآه ياكثر العلوم اللي تجي فيها علوم


لو تساورني شكوكي ما على مثلي ملام
المواري واضحة والنفس ياخلي تشوم

يوم صوّر لي ابليس انك على عكس النظام
انعميت احسب شكوكي شي واضح ومحسوم!


يمكن اسلوبي خطا ، صغت العتب وسط iiاتهام
بس وشلون تتمادى وانت ابخص بالسلوم؟


صح انا يوم انفعلت اخطيت في بعض الكلام
كنت اظنك في هوى غيري تخيّر او تسوم..


كان واجب تحتويني في هدوء وفانسجام
وانت قمت تشيل غيضك كني اشد الخصوم


صار مبداك التجني شلت لي سيف الخصام
سَلّه بوجهي خفوقٍ كنت اظن انه iرحوم



طعنتك لي شي عادي! كنها برد وسلام
اثرك اللي ناطر الزلة لجل تبدي الهجوم !


ماتخاف الله ولاتراعي حلال ولا حرام
هذا وانته اجودي تنعد من ضمن القروم


انكسرت وقسوتك خّلت احاسيسي حطام
كلها عندي بكوم وصدتك عني بكوم


كلٍ يعلّم هوى باله تفاصيل الغرام
الا انا علمتني وشلون تجريع الهموم


الخطا وارد وانا اخطيت مثلك بالتمام
ودّي اسعى بالرضا لو هو على حب الخشوم


وانت لازم تعتذر والعذر ما يرخص مقام
واحضن كفوفي وانا باقبّل كفوفك واقووم


غيرة ، وحب ، وزعل ، واخلاص.. ود واحترام
ذا خليط الحب .. واحساسي يجي عند اللزوم ii!!


يعني لو ازعل .. ابي منّك معاملة الكرام
كان تبغى حبّنا يبقى على طول ويدوم


أي نسناس وبراد..؟ وأي شوقٍ واهتمام
ليت ما ضاقت علي .. ولا لفح وجهي سموم

وسلااااااااااااامتكم
[/align][/align][/all1]