(( ديوان الشاعر نايف النمران ))

[poem=font="simplified arabic,7,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
الرزه =[/poem]



[poem=font="simplified arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]

العـرف دزه لهـل الـعـرف دزه = وجنب عن اللي ماعرف وش يقوله

الكل لـه نظـره وشوفـه وقـزه = والكل وقتـاً فـي زمانـاً مقولـه

الله خلـق لنفـس عـز ومعـزه = والكل يعرف وين ماطـا ارجولـه

الهرج ماله بعض الاحيـان حـزه = لاصار مـال الهـرج لازم تقولـه

وفعلاً مهو فعلك على جنـب لـزه = ماتنومـس الرجـال الا فعـولـه

الغصن لاصـار الهبايـب تهـزه = الي براسـه كـل واحـد يطولـه

ولاكل بشت اتشوفهـا اتقـول رزه = اعرف وش الي وسطها من رجوله

ماكل مـن كشـخ بثوبـاً وبـزه = يصير من هـل الفخـر والبطولـه

احـداً مكانـه باالوظيفـه يـرزه = وحداًمكانه حصلـه مـن افعولـه

المال ترفع بـه اوجيهـن مخـزه = لوكان مايسوى مواطـي انعولـه

الـلاش مابـه للجماعـه معـزه = لوكان من عزوه وقـوم وحمولـه[/poem]