|
منتدى قصــائد الأعضــاء |
الذهاب إلى الصفحة... |
|
أدوات الموضوع | انواع عرض الموضوع |
01-30-2012, 02:47 PM | #1 |
تاريخ التسجيل: Dec 2005
المشاركات: 17
معدل تقييم المستوى: 0 |
مشاركتي في حفل هزاع الروسان لهذا العام 1433 هـ
السلام عليكم ورحمة الله وبركاته هذه مشاركتي كامله في حفل الشيخ هزاع الروسان لهذا العام 1433 هـ وأعتذر عن تأخري بطرحها العام الأول شارك وعلمها فات = وجّه على أم رقيبه بوضح ميه والعام شارك بالبكار البهيات = وأخذ معاها الثاني بمقدريه وهذي السنه متحيزم الوايليات = إن قالها الله نخبة الوضح ليه وساق البكار اللي تقول برديات = وإن طبت الميدان تمشي سويه معها الزعيمه شيختن للزعيمات = وراوسة البكرات ماهي شويه وقهارة العدوان وابليس لو مات = يطلع لها ابليس بين البريه وهزاعة البل وصفها من الخيالات = يكفي إنها لهزاع ملك وسميّه وإن ذِكْرَتْ الحردا وأهلها جميشات = تفازعوا لحدنٍ يخلي خويّه والوايليه والبويضا فريدات = أحلا من البراق في عقربيه وهيض أحاسيسي على الخد كيّات = قلت اغتنمها بليلةٍ شاعريّه لعلي آصفها بجزلات الأبيات = ماهي سوالف ليلة نرجسيه وحمست لأفكاري من البن بسكات = وكيفتها من مبهره شاذليه ونخيت شيطان الشعر للمهمات = مطنوخ مأنكر عشرتي الأوليه قال أبشر بتصوير ماهو هوالات = وصوّر لي المقهور عدّه لقيه سند الغوارب والرقاب الطويلات = وساع نحر أطباع حلوه هديه عكش الوبر والروس متر وكبيرات = تمشي تبختر روسها للجويه ماأدري تباهى لانها من الملذات = والا بكحل عيونها الداعجيه والاتغطرس بالخدود العريضات = أو هي تفاخر لانها دهمشيه روس أسنمتها من الشحم كالعمارات = متفهقه كنها جبال أطلسيه إن درهمت درهامها فيه شيلات = وإن أرزمت شالت لحن سامريه وإن هوبل الرعيان شاشت للاصوات = تجيك سيلن حادرن من شغيه معها غريب اللي انتاجه جنيهات = يمشي معاها تقل قايد سريه عينه عليها وإن تعدّت مسافات = أظهر لهاته ونظرته عنجهيه واللي ينافسها صرخ واحلولات = ولوهو طويل ذراع تقصر ايديه جتكم تداحم والمسيره مسيرات = يبرالها الروسان يالله تحيه شيخن وله بالطيب صوله وجولات = وله في دروب العز والمجد زيه أبو فهد وإن إرتكى للثقيلات = ماكن جوف الأرض به جاذبيه أكرم حلاله ماربع للخسارات = يعرض لك المفرود كنه لقيه وجاب الهلال من السماء والمجرات = ويمينه المطرق على الخد كيّه هذي وصوف الوايليات بالذات = يالله تكفيها النفوس الرديه وابذكر الله الف مره ومرات = وإنتم بعد صلوا على أحمد نبيه قولو ماشاء الله لاقبلت وضحه وجات = وصفوا صفوف الدحه الوايليه لاجاءنهار العرض بالمهرجانات = نمشي معاها كل أبونا حميه ونزفها للجايزه بإحتفالات = معها من التقدير وازكى تحيه للي رفع اسم عنزه للسماوات = بين القبايل بالمزاين ياحيه هزاع ابن عايش وهيهات هيهات = يِلحق جزاه ومدّته حاتميّه وآخر قصيدي للجميع اعتذارات = مني مقدم وإحسبوها عليه أبعتذر لأهل الرعايا الكريمات = المعذره وآسف رعيه رعيه إن جاء حلال الوايلي الوايليات = لاتحلمون بجايزه أو هديه شوفوا بكاره كل ابوها عنزيات = تزين معها الدحه الوايليه آمل أن تنال إعجابكم سلطان بن معيوف العنزي |
01-30-2012, 03:06 PM | #2 |
المشرف العام
تاريخ التسجيل: Nov 2005
الدولة: Mercury
العمر: 50
المشاركات: 23,759
معدل تقييم المستوى: 30 |
رد: مشاركتي في حفل هزاع الروسان لهذا العام 1433 هـ
أبو فهد وإن إرتكى للثقيلات *** ماكن جوف الأرض به جاذبيه
أكرم حلاله ماربع للخسارات *** يعرض لك المفرود كنه لقيه صح لسانك ويستاهل الشيخ هزاع الشاعر الفذ سلطان بن معيوف أبيات تمتاز بالجمال وقوة المعنى لا تصدر إلا من شاعر كبير ومتمرس لك تحياتي
__________________
|
02-13-2012, 12:07 PM | #3 |
تاريخ التسجيل: Jun 2010
المشاركات: 8,059
معدل تقييم المستوى: 333 |
رد: مشاركتي في حفل هزاع الروسان لهذا العام 1433 هـ
صح لسانك ويستاهل الشيخ هزاع
__________________
|
الذين يشاهدون محتوى الموضوع الآن : 1 ( الأعضاء 0 والزوار 1) | |
انواع عرض الموضوع |
العرض العادي |
الانتقال إلى العرض المتطور |
الانتقال إلى العرض الشجري |
|
|