((ديوان الشاعر:مـعـيـض بن عـريـفـج))

[poem=font="arial,6,darkred,bold,normal" bkcolor="transparent" bkimage="" border="groove,5,limegreen" type=0 line=1 align=center use=ex num="0,black""]
يامرحبا ترحيبة(ن)من قلب ترجمها اللسان = ترجمتها وقدمتها بحضوركم يالغانمين
يامرحبا في حلة اهل الطيب عالين المكان = ذباحة الحايل ولطامة خشوم المعتدين
يامرحبا وعطوره البن الحمروالزعفران = والخاطراللي ماتغيرطيبته طول السنين
يامرحبا في كل من صوبنا امن اية مكان = زادوا فرحناوصاربحضور النشاما فرحتين
ومبروك يافواز عرسك جعلك بأمنوأمان = والله يجمع بينكم في خير وبتقوى ودين
اخترت بنت الشهم الاخطل الحصان ابن الحصان = وان جاء الولد خاله راعي العليا ونعم المنسبين
ومن بعدها عندي كلام(ن)للشواعير الذهان = اهل الأدب والشعر والحكمة هل العقل الرزين
الشعرديوان العرب يكرم جنابه مايهان = وحسان هوشاعر رسول الله نبي المسلمين
الشعرليس سلعتاً يشرا وينباع بهوان = الشعر للشاعر رساله بكل وقت وكل حين
ان ما وضعت البصمة اللي مايغيرها الزمان = والاتكرم بالسكوت بجنب ناس(ن)ساكتين
قد قيل كان الهرج من فضه وتسمعه الاذان = ترا السكوت من الذهب ستروغطاللعالمين
اتلا الزمان الشعر ماله قيمه ولاله كيان = من يوم قامو يلعبون بطرقه المستشعرين
يهجا به الطيب ويمدح فيه طير البغبغان = ويقول انا شاعر الامم السابقة والحاضرين
مايقلد ابو الطيب ولاالبحتري والغيهبان = ومن التكبرمايشوف الكون الا بنصف عين
ويقول انا افلان ابن فلان مدري من فلان = والنعم فيهم بس انت اركد وصار عاقل ذهين
الفعل يبغاله ولديصبر والصابرمعان = ماياصلونه مدهنين خدودهم بالفازلين
لالتغطرس والتكبروالحصان بلاعنان = بل للتواضع والحكم ياصاحب العقل والفطين
ابو لهب عم الرسول وصار كافربالبيان = ابو لهب كافروابن اخيه سيد المرسلين
ان ماصنعت المجد في يمناك ياذرب اللسان = لاتعتمد على بطولات الجدود الاولين
خلك مع العالم وسق رجليك في امن وامان = والناس مستوره ووسط ثيابهم متسترين
كم عش صقراًمابه الا النمل الاحمروالهوان = راح الصقروالنمل مابه عز وانتم عارفين[/poem]