(( أبيات شعرية مختارة ))

[align=center]
أخترت لكم مجموعه من الأبيات الشعرية التي أعجبتني أتمنى تنال أعجابكم




اكبر قهر شوفت وليفك مع الغير
يضحك ويعطي مثل ما كان يعطيك




تعلم تحترم حب وتعلم تحترم انسان
تعلم دامها الدنيا عطتك الدرس مجاني




عرقن بقلبي لاذكرتك تحرك
مدري هو نذير الموت ولا نذيرك ؟




كان قصدك عذابي لا توصي حريص
الزمن مايقصر وانت فيك بركة




كلٍ لعن حظه ليا خاب مره
وش حيلة اللي عاش عمره بلا حظ




بشرب من الدلة ولو كانها سم
ما اهز فنجالي ولا اقول كافي
ما دامه بيمناك وتقولي سم
بسم الله اشرب كل سم عوافي




وجع حب وجع شعر وجع شوق وجع ضيقه
على كيفك وهاك اختار هذي سلة اوجاعي
غلا واسمع نزيف الجرح كلام الصمت ما اطيقه
انا محتاج اسولف لك عن اول وآخر اوضاعي




طرد السراب لمن يحسبه ماء ماهو مشكله
المشكله طرد السراب لمن يعرف انه سراب




حزين من الشتاء والا حزين من الضماء ياطير
دخيل الريشتين اللي تضفك حل عن عيني




تبي تشوف الذل في صورته صح
شف دمعة الفرقاء على خد رجال




حبيبتي لامن غديتيلي سراج اتبعه
وكني غديت من الضماءاركض
ويطردني السراب




اخاف اشوفك وتضيعني عيونك
واخاف ما اشوفك ويقتلني حنيني




يمكن انا اكون اعز انسان في عيونك
بس انت والله كل الناس في عيوني




ماهو فخر في سنه تعرفلك أمية صديق
الفخر تتعرّف بصديق .. لمية سنه




بعض الرجال ان ماغسلتي شراعه!!
لا ماتبرد حرتك فيه سكين




ماهو غريب ان التراب
يعانق جذور الشجر
بس الغريب ان الشجر
يستنكر افضال التراب




لابان برهان الغلا من يساويك
نجمك طلع ونجوم غيرك تهاوت




مايذبح الرجال غيرانه يشوف
اخس خلق الله ياخذمكانه




نادت مشاري صاحو الخلق لبيه
من زينها كل الخلايق مشـاري




ان كان قصدك تجرح الروح وتروح
عندي كفايه مابقى من جروجي
وان كان غرك قولت الناس مملوح
هذي عبارة ماتناسب طموحي




هذي يميني برحيلك كنها اليسرى
الله حرمني سلامك وش لي بيدي




كان الرجا في شوفتك يوم فرقاك
الله يجيب موادعك لجل اشوفك




إلا العيون ابخل بها مقدر اعطيك
وش فايدة دنياي من غير شوفك




يابنت كفي وعفي واتركيني بهمي
ماللهوى شف ولا لي بالغنادير عازه




أسـتـديري يا كل الأرض
شـوفي نـفـسـك في غــديري
وان عـطـيتـيني كــتوفـك
وما تـبيـن احــد يـشـوفـك
ناظــري في عـيـون غـيـري




اضحـك ولا كـل الوجيه احترمهـا
وبعـض الوجـيه اهينهـا بأبتسامه




ياصـغّير مايكـبِّرني لـقـب
وما يصغِّرني إذا أنكرني صغير
ما خذ ينا الصيت من جمع الذهب
ولا نسـابة شيخ أو قربة وزير




قدرت أنساك في وهمي
وفي الواقع تعبت أنساك
قدرت أنساك في بوحي
وفي صدري ألم ناداك




العقل سيرني على طيب الافعال
والوقت يجعلني حبيس اختيارين
اما رجل واعيش وان مت رجال
والا انكسر مثل انكسار السلاطين




شامخه مثل الجبــــال الراسيات
لو أطيح يقول مبداي ... اصعدي




حرام أشوف الدمع .. يملي عيونك
يامالي قلبي من الحب ... وشفيك
تقول حظك ياحياتي ... يخونك
وش قولتي في حظي اللي غدر فيك
ترى شجوني زودتها ... شجونك
خذ قلبي ... العب به لعله يسليك




اخطيت يوم اني طلبتك حنانك
لاصرت فاقد شي ..وشلون تعطيه
مهما نطق لي بالمشاعر... لسانك
شيٍ بدون احساس .. ما اقتنع فيه
احساسك المصنوع خنته وخانك
جاملتني به وانت تجهل ..معانيه
منى نصيحه تنفعك في زمانك
الا شعورك ..لاتبيعه وتشريه




يقولون الزمان اغبر وانا اقول الزمان بخير
ما دام اللي سكن في ناظرك ما طاح من عينك




أنا ماهمني فرحي ولاني للفرح مشتاق
لكن ليه يادنياّ إذا بفرحي تبكيني




من شفايفها صباح الخير شكل وطعم ثاني
آه لو تدري وش تسوي صباح الخير فيّا
كل ما عز الطلب عندي وقالت لي عشاني
قلت من هذي قبل هذي وجابتني حميّا




وافرح بقلبي ، ولا ابيِّن الفرحة وأعود
أبكي ، وأغطِّي عيوني ، وأكابر بالعناد




آخر عباراتي وداع وآخر مشاويري رحيل
جيتك وبي لفحة ضما واقفيت كبدي ناشفه
لا للندم.. لا للعتب أو شي من هذا القبيل
وانتي ماجا منك خطا حتى تقولي اسفه
قولي لهم ياعزوتي ما عابنا موت النخيل
اللي يوافيها الأجل وتموت لكن واقفه




على كثر الكلام وكثر ماقبل الكلام جروح
سكت ومالقيت الكلمتين اللي علي بالي




تحياتي للجميع
[/align]

بشرب من الدلة ولو كانها سم
ما اهز فنجالي ولا اقول كافي
ما دامه بيمناك وتقولي سم
بسم الله اشرب كل سم عوافي


اخترتي واخترنا ان نقول انك انتي مميزة في الاختيار

[align=center]هلا وغلا أخوي حصان الرجلية
التميز لايكتمل إلا بتواجدك
كل الشكر لك على المرور

تقبل تحياتي


[/align]

[align=center]بشرب من الدلة ولو كانها سم
ما اهز فنجالي ولا اقول كافي
ما دامه بيمناك وتقولي سم
بسم الله اشرب كل سم عوافي
*
*
*
تسلم يدينك حبيبتي ....

الله يعطيك الف عافيه

كل الشكر لك ::::[/align]

[align=center]من شفايفها صباح الخير شكل وطعم ثاني
آه لو تدري وش تسوي صباح الخير فيّا
كل ما عز الطلب عندي وقالت لي عشاني
قلت من هذي قبل هذي وجابتني حميّا[/align]
[align=center]بنت ابوها اختيار رائع [/align]

بنت ابوها


تسلمين ياشعلة المنتدى


تقبلي تحياتي

[align=center]صح لسان جميع من قالها

هالمختارات من الابيات الشعرية

وسلمت انامل من نقلها[/align]

[align=center]مقتطفات رائعه

مشكوره اختي بنت ابوها[/align]

[align=center]الف شكر لحسن الأختيار .[/align]

[align=center]بعض الرجال ان ماغسلتي شراعه!!
لا ماتبرد حرتك فيه سكين
سلمت يداك بنت ابوها اشك ان هالبيت لك

بس لو ذكرتي اصحاب البيات احسن

عموما نقل موفق ورائع كاروعة كاتبته


تقبلي احترامي وتقديري[/align]