محيت حبك

[align=center]محيت حبك


كانك تبي غيري عسى الله يهنيك ,,, أدري على طبع الوفا ماانت معتاد
أبعد ونا والله بزفّ التباريك ,,, وماارجع ولو روحي على الموت تنقاد
وش عاد لو كانت جروحي تناديك ,,,, يا علّها تبقى بلا طب وضماد
كرهت انا حبك وشوفك وطاريك ,,,,وكرهي لحبك كل لحظات يزداد
تركتني أبكي على ضفاف شاطيك ,,,,,واقفيت تضحك خاطرك مابه انكاد
ذليت قلبن كان بالحيل يغليك ,,,,,,,وجازيتني بالصد وجروح الابعاد
في قسوة الأحساس محدٍ يضاهيك ,,,,,,أسقيتني مرك ولا شفت ميراد
ولا تحسب اني برجع اليوم واطريك ,,,,,لاعاد حبٍ كله جروووح لاعاد
محيت حبك من حياتي وابمحيك ,,,,,الله لا يجمع شملنا عقب الابعاد


محمد الركابي[/align]