الشكوى لله

[align=center]§¤°~®~°¤§الشكوى لله§¤°~®~°¤§ [/align]


الشكوى لله من كثير الشكالات

ولا التشكي للملا بس مذله

هذى حياته بين عثره ونكسات

كل يوم يقول تهون ولا حصله

البارحه عينه عيت النوم ساعات

كثر البلاوي فوق قلبه تعله

اقرب قريب لك ماله مثيلات

بالفزعه تدوره ماتلقى محله

وقت الرخا تلقاه صاحب بطولات

شديد باس وماحدن قادر له

ووقت الشدايد تجيه رجفه ورعشات

ماهو على هقوات سيفن تسله

هذا الزمن ماهو زمان المروات

والمرجله عيب ومن تبعها تمله

هذا الزمن للي يخاويك بسكات

اللي يجرك درب ماكنت تدله

ولاتصاحب الغادر على مر الاوقات

خلك حذر منه ولا تامن له

لاخير في صحبه عشان العلاقات

لو انك تبيه والله مايفطن له

والقلب مايندم على مامضى وفات

وعيني ابخفي دموعها لاتهله


وسلامتكـــــــــم،،،