يضيق صدري لو تغيبين

[align=center]قلاده من الماااااااااس
أهــديها إلى من أحب[/align]

[poem=font="Arial,6,darkblue,bold,normal" bkcolor="transparent" bkimage="backgrounds/12.gif" border="none,4,gray" type=2 line=0 align=center use=ex num="0,black"]

أنتي لظلامي - ياغلا الروح - شمعه = وانتي لكتاب العشق (عنوان وغلاف)
أنتي البريق اللي عطا الماس لمعه = وانتي رحيق النرجس وحسن الاصداف
أنتي خيال وواقع وحلم هجعه = وانتي الشروق بروعته .. نور واطياف
أنتي زرعتي بساحة الروح زرعه = وانتي سقيتي جذرها بحس شفاف
ماظنتي عجايب الكون سبعه = ماشفت مثلك .. واعذر الكون ماشاف
أنتي شموخً بالهرم دون رفعه = وانتي غموضً بالمدائن والاحقاف
حدائق بابل تسحر العين روعه = أنتي سحرتي العين (والغين والكاف)
يملهمه فكري على قول بدعه = يمشغله قلبي إلى حد الاسراف
يضيق صدري لوتغيبين جمعه = وشلون حالي والمسافات آلاف
ياكم جرت بتالي الليل دمعه = ياما كتمت ولكن الجرح هتّاف
ثوب الصبر ماعاد تكفيه رقعه = وقت الجفا قطّع حلاياه بأسياف
كل المناظر مالها أي متعه = كل شي اشوفه يلزمه شي ينظاف
الصوره اللي مابها منك قطعه = لو انبهر من حسنها الناس .. تنعاف[/poem]