شاعر اتصلت عليه بنت غلطانه وقال فيها قصيده

مـــــــــنـــــــــقـــــــــــول

[align=center]

كلّ البشر في الاتصـــــــالات يخطون
يخطون واخطي .. عذرنا هاتف فلان

ومن عادتي ما أهتمّ باللي يقولــــون
من غلط في رقمي لقى الـردّ غلطـان

الين جاء في يــوم .. دق ّ التلفـــــون
شفت الرقم.. لقيتــه أشكال وألـــوان

فتحــت جوّالي أبعـرف من يكـــــــون
سمعت صــوتٍ فيه بحّــة .. وفتـــــّان

قالت لي أنت سعود قلت: أيه بالعـون
لعيونك اسمي سعــود لو كان شعـلان

قالت أتظننّي مخطئه, قلت : وشلــون
قلبي توقّـف ما نبــض فيه شريــــــان

بالهون يا بنت الأجـاويد بالله بالهـون
من عــادة الإنســان يرتــــاح لإنسان

تسمّعـي يا بنت وإبلــيس ملعـــــــون
اخذي كلام ٍ مصدره صـدق وجـــدان

ما ني بقايل لك: أنا إنسان مزيـــون
اطرق ولا له شبه في الأنس والجان

أنا محمّـد.. وافي الهــرج مـــوزون
أوزن كــلامي.. قبل أقوله بميـــــزان

وأنا الــذّي لاحبّ ..لا يمكن يخـــــون
مخلص مدامه حيّ .ويموت ما خــان

وأنا إذا حـبّيت.. حــبّيت بجنــــــــون
حبّي يفجـــر داخلـــي ألف بركــــــان

وأنا الّذي ما اطرد ورى من يقفّــون
من صدّ عنّي عمد.. بجزيه حقـــران

هذي وصوفي وأكثر النّاس يشرون
وأنتي عليك الــيوم تقــدير الأثمــان

قالت :أشوفك قمت يا محمد تمـون
تضحك وضحكتها تقاسيم ..فنّـــــان

قلت الميانه ما هي بضحكة سنـون
أحيان ما تلقينهـــا بـين الإخــــوان

ترى الميانه شيّ واضح ومضمون
إذا اجتمع شخصين في قلب ولسان

قالت كلامــك وافي ٍ يابن خلــــدون
أحيان أحسّ إن جلستك بين شيبان

يامحمد .اسمع كلمة البنت ميسون
أسلوبك ووقتك مضت دونها أزمان

هذا زمن.. قــــــدواته أفلام كرتون
وهذا زمان أرجاله أجساد وأبـدان

قالت.. وغنّت لي على وقتي لحون
قلت اسكتي من بعد ما خاطري شان

أنا ادري إن الوقت من دون في دون
لكن فمــان الله وانـس ِ الـذي كــان

قلته وأنا صامل.. وهي عندها آذون
لكنّها ما صـدّقت سمـــــــــع الاذاان

ضاقت ...وخلق الله دايم يضيقــون
وأنا قفلت الخطّ..ضايق وزعــــلان

ونسيت والاجواد في الوقت ينسون
ما سمّـــي الإنسان إلاّ بنسيـــــــان

المشكلة .. بنات حوّا ما يسلــــون
دقّت علي وأنا لها شبـه شفقـــــان

قبل آآتكلّم قالت اسمع ولا تهـــون
اسمي مهو ميسون حان الصدق حان

الاسم عفـراء وآخر الجدّ مصيون
مهره ولا طوّعت بلجــام وعنـــان

قلت ارحبي مليون تضرب بمليون
اقولها مليــون من قلب ولســــان

قلت ارحبي في العين ولحافك جفون
وظلالك من الشمس بأهداب الأعيان

يا عـين حـــر ٍ بالمطاليع مفتــــون
حر ٍ شراه مولـــّع الصيــد طــربان

[/align]

صح لسانك ولسان الشاعر الف شكر اخوي

[all1=990033]
الاسم عفـراء وآخر الجدّ مصيون
مهره ولا طوّعت بلجــام وعنـــان

صح لسانك ولسان قائله [/all1]

[align=center]قصيدة جميلة جدا

مع اني ما فهمتها مزيان

على العموم صح لسانك ولسان اللي قالها

الله يعطيك العافية

تحياتي[/align]

[align=center]قصيدة قمة في الروعه

الف شكر لك أخي حسين على نقلها لنا

صح لسانك ولسان الشاعر

تقلد أحترامي [/align]

[align=center]صح لسانك ولسان قايلها

يعطيك العافيه على اقصيده

مبدع حتى في اختيارك

لك تحياتي[/align]

[align=center]صح لسانك ولسان الشاعر
تسلم أخوي حسين
كل الشكر لك

تقبل تحياتي


[/align]

[align=center]صح لسانك ولسان شاعرها

تسلم اخوي حسين على النقل الجميل


تحياتي لك[/align]

[align=center]صح صح صح لسانك حسين الهوران[/align]

[align=center]صح لسانك ولسان قايلها


قصيده جميله جدا


الف شكر لك على هذا النقل المتميز[/align]