نسيج العنكبوت .....

[poem=font="Simplified Arabic,6,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياللي نسجت الحلم فيني مثـل " نسـج العنكبـوت"=خذني معك وإلا انتشلني مـن "دياجيـر" الظـلام !!
اخاف لامن رحت عنـي كلهـا ساعـه و " امـوت"=وأن مت منت بقايل ٍ من بعد موتي .. ياحراااااام ؟؟!!
معاك أحس ان الكلام أرحـم كثيـر مـن السكـوت=وأحيان احس ان السكوت أرحم كثير مـن الكـلام !!
ياني احبك كثر طيبة مـن سكـن فـي "حضرمـوت"=وأكثر من أعداد "الحجيج " بداخل " البيـت الحـرام"
وغلاك أكبر من غلا "عقاب العواجي" عنـد " نـوت"=وأكبر من " الخيبـه " بوجـه ٍ مايعـرف الأحتـرام
لو كان " لاحجام الغـلا" بالقلـب مقيـاس وثبـوت=أن كان مبطي قست " وزن الحب " " بالكيلو جرام "!!
من بعد ماصنت المشاعر حزت منـي كـل صـوت=إلين توجك الخفوق وصرت فـي " عـرش" الغـرام
ولو هو على كيفي عسفت الحرف لعيونـك ..بيـوت=لكن أخاف ان كل بيـت ٍ مايجـي " قـد المقـام "!!
لو هو يغار " الشيح" مره مـن مـذاق " العنـزروت"=أن كان ماغار " النفل " من ريحة أنفاس " الخـزام"!!
ياليت لو تسمح بجي من داخل ضلوعـك وآفـوووت=إلين اشوف أني بقلبك و" أفرش فراشـي وأنـام "!!
بنام ولامني صحيـت بخافقـك وأحتجـت " قـوت"=في عينك اليمنى " شراب " وعينك اليسرى " طعـام "
ياليـت لـو معلـق ٍ بعـروق قلبـي " باراشـوت "=حتى ليا منـه سقـط يمنـع حـدوث الأرتطـام !!
من ماشفت الهوى صايـر مثـل " لعـب البلـوت "=أول بداياتـه زعـل وآخـر نهاياتـه ...خـصـام
وأنت يوم انـك تركـت الحـب فـاعماقـي يمـوت=(( تعتقد حالي بعد جرحك على أحسـن مايـرام ؟؟!! [/poem]

[align=center]الشاعر سعود العواجي [/align]