نامي مثل مانام في عيني الليل

[align=center]السلام عليكم ورحمة الله وبركاته

الف الف مبروك عليكم قدوم شهر رمضان شهر الخير والعباده والصيام

الله يعينا واياكم على صيامه وقيامه وان لايحرمنا الاجر واياكم

مرة اخرى اشاركم بابيات غاليه علي جدا احب اشارك بها دائماا

وهي مهداه لاغلا انسانه بالدنيا اتمنا ان تعجبكم[/align]








[poem=font="simplified arabic,6,orangered,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
نــامـي مـثــل مـانـــام فـي عيني الليل=واصـحـي مـثــل ماقام في عيني النور
ولـيــا طـغـى حـلـم القدر أسرجي خيل=وغيري بصدري خلي ضلوعي كسور
والـلـه ولـو مــاعـــاد بـاقـي بنــا حيل=لـركـز يمـينـي واسندتس لو بي عثور
لا يلـحـقتس شـكـن بشـيـــل المحاميل=مــانـي بتركـي لـو لحق فعلي قصور
همـتـس اشيـلـه لــو حدتنـي البهـاذيل=واقـبـــل كـفـوفتس ريـاحـيــن وزهور
خــوذي كـفـوفـي للمـدامـــع مـنـــاديل=وخوذي عيوني للسهر لـو هي شهور
وخـوذي عـروقي للشـقـا والمحـاصيل=وقـلـبـي بعـد يـانــور عيني لتس يثور
يالغالـيـه يـــا نـــور كـــــل القـنــــاديل=يكفي رضـاتس الـيـا حصلي ومشكور
يالغـالـيـــه يـمــه وأنـــــا متعب الحيل=إدواي ضحكــه لا ضحكتي على الفور
ماغيـر شوفت ضحكتس تجـلـي الويل=وتطرب خـفــوقــي لـو بـه الهم منثور[/poem]

[align=center]
7
7
7
7[/align][align=center]
برق الشمال
تركي عبدالله العنزي[/align]