البارحه حطيت نفسي من ملووك العامه

[align=center]


طبعا صارلي من امس لاشغله ولا مشغله قلت احلم شويتين

لذلك نصبت نفسي ملك على دولة جزر القمر لاكثر من سبب

1 لان مافيها اي ثروات طبيعيه ممكن اي شخص يطمع فيها لذلك ساكون هناك اكثر امنا

كما ليس لديهم غير الملح لذلك بكيسين مارس وباونتي بيحلفون براسي ..

2 لانها دوله مو تابعه الا للجامعه العربيه يعني ابقى آآبلني لو احد استنكر

3 عدد سكانها قليل يعني يكفيهم سجن واحد دوور وملحق خلفي

4 وهذا اهم الاسبااب ثقافتها خاليه من الشعر الشعبي يعني بآآكلهم بالحكي

5 وهذا سبب ماكان في الحسبان الا بعد مادخلت اعدل على الموضووع ماعندهم انترنت ولا اتصال بالعالم الخارجي ..ولا فيها ولا واحد عنزي يعني مافي امل احد يفكر يسوي انقلاب..

وعلى فكره اول 17 شخص يهنوني بحطهم بمجلس الوراء بالحلم الجاي
.
.

البارحه حطيت نفسي من ملووك العامه

...........نصّبت نفسي بانقلااب الثووره السريه

واصدرتلي كمن قراار ....وكلّها لي هامه

..........قررنا نحن مايلي ...الدووله ...إسلاميه

دستورها..سبق لبق...واللبقه لازم راامه

.........شعارها...شلّة حمق...واعلامها ورديه

نشيدها ...باسمي انا...مابين دسكو وwammh

.........وعقب النشيده شي اساس... نرقصلها دحيّه

كما تقرر مايلي...وشعوبنا هي فاهمه

..........الغااء كافة ماصدر ... والمصلحه شخصيه

مافيه وقت نضيّعه... وحقووقنا بس سالمه

..........والغائنا يشمل ترى ...المحكمه العدليه

ابي اتفرّغ للحكم..وافواهكم لي صامه

.......... واللي يبي غير الحكي... يرحل وغيره زيه

الحق يوخذ باليدين ... ولاحدن يجيب الطامه

..........واللي يجينا يشتكي...يجيب معه الديّه

وكما تقرر مايلي..وكما تراها لامّه

........... قررت انا تغير كافّة..عملاتنا النقديه

ماعاد به عمله ورقق..وجيوبكم منظامه

..........ونرجع على سبك الذهب والنيره التركيه

اما بما يشغل عقوول الننااس ذيك الظالمه

..........واقصد هنا وضع العرب ...والدوله العبريه

الوضع طبعا شي صعب .. والله تراهو قاسمه

...........قررت نشجب مانرى ... ونستنكر الساميه

هذا اللذي اقدر علييه... وللفعل ردده سامه

........... لكن لكم مني انا ..........اجيبها سلميه

هذا..وأَنتـُم ليِ فِدا...وافواهكم لي صامّه

...........يُنشر جمييع اللي مضى...بالصفحه الرسميّه

شفيكم:|

حلم والله حلم



ولكن كل من رايته يوما وحين يتناول الحديث الوضع العربي الراهن

ووضع اشعب العربي اجده يئن ويبكي ويضع اللوم على الحكاام العرب

بصدق لو كان احدكم حاكم لاحدى الدول العربيه كيف سيدير دفة الحكم من واقع رؤيته للوضع...

وماهي القرارات اللتي سيتخذها اعتبرووها فرصه للوقوف على هذا الامر بالتجرد عن كل شيء

لو كنت حاكم ماهي القرارات اللتي سوف تتخذها
؟؟؟ [/align]