مرثيه في الشيخ صالح بن الأمعط العواجي رحمة الله

السلام عليكم ورحمة الله وبركاته

إخواني أعضاء ومشرفين منتديات الويلان أقدم بين يديكم هذه القصيدة التي أتمنى أن تنال إعجابكم

[poem=font="simplified arabic,5,black,bold,normal" bkcolor="red" bkimage="backgrounds/7.gif" border="ridge,4,black" type=1 line=0 align=center use=sp num="0,black"]

عسى السحاب المدلهم المراديف = يصب للماء فوق بيضاء نثايل
يصب للماء بأول الوسم والصيف = طول السنة يقلب جميع المسايل
ماتحتمي شمسه ولايابس الريف = من شان مرقد شيخ شمل القبايل
راع الوفاء ماهي علوم وسواليف = اللي بمثله يضرب(ن) المثايل
مضرب مثل عند الرجال العواريف = رمزٍ(ن) تميّز في جميع الخصايل
قول . وفعل . همّه . ورزّه . وتشريف = يتم قوله لأ أنسحب كل قايل
ماحسّب الدنيا وكثر التكاليف = مهما تكون الحال جزل الفعايل
عزّ الصديق ومنوة الجار والضيف = وخزام خشم اللي عن الحق عايل
ترثة مروية السيوف المهاديف = سلايل اللي يحتمون الدبايل
(صالح) خسارة شعب وأجيال ياحيف = ياصالح الأمعط كريم الشمايل
خانت بك الدنياء ولاهي على الكيف = لو أنها بالكيف ماجاك مايل
والله لـ نثني بأشهب الملح والسيف = حتى نوريّها العجب والهوايل
هذي مواقفنا وكل المواقيف = تشهد لنا يوم العلوم الأوايل
لكن مصايب هالزمن والصواديف = من وفّرت يامعربين السلايل
محدٍ قعد بالشرق والغرب والهيف = وأرض اليمن كلٍ بهالكون زايل
إلا جليل الملك راع التصاريف = يبقى ولايفنى جزيل الفضايل
رب العباد اللي بواف التواصيف = موصوف ولّا النقص للخلق طايل
عسى العوض به مبعدين المناسيف = شيخاننا مقدم صناديد وايل
روس العواجيّه إلى ولع الليف = وإشتد بالميدان صايل وجايل
ذرى القبيله عن ذوار العواصيف = ضلٍ يضلل عن سموم القوايل
قلته وأقوله وأختم القول وأضيف = (مرحوم ياالمقدام نسل الحمايل)[/poem]


[align=center]ماضي صبر النومسي[/align]