قصيده بمناسبة المولود الجديد بها نصائح كثيره

لقد لامني الكثير من الاصدقاء لانني سميت ابني كريدي لان بنظرهم الاسم قديم والقديم هل اليومين مايمشي بس قلت هل القصيده واتمنى انها تحوز اعجابكم:


[align=center]جفلت كل الخيول من سلايل كحيلان[/align][align=center]
ورحبت مليون مره بلعضيد وبلعقيد
عافت الديره وزهمت كل ميدان
لين جانا الصبح ياكريدي يا بو الراي السديد

قاف يربطني وانا الي معجز القيفان
ارثي الي من اسمه يشيب الوليد

لسأ لوك وقالو كريدي هو اي انسان
قول جدي له خرت ارجال (ن) صناديد

وقول حتى الذيب يعرفه بو سرحان
لانولد فيه ذل ولا يعرف الحقيد

اليتمى تذكره وتسعى للامان
ربعه سيوفه ولا فيهم شريد

من نواهم يرتجع مأ سورن مهان
وطيبهم يا سندي يسري بل وريد

قول انا عزي وفخري ربعي الويلان
احكمو شبه الجزيره وعسى الله يزيد

يا ولدي خذ كم نصيحه ومنت خسران
رمح قومك خارمن عمق الحديد

ياولدي مابه طريح (ن) عندنا من زمان
احفظ ابياتي ورددها في كل عيد

بحق جيرانك ابد لايجي منك هوان
وصات دينن حثنا بفعل الحميد

ورفقت السو تجنبها لاتصبح جبان
ترا الصديق يبين فعله بلوقت الشديد

دلتينن بعينك والصحن خله مليان
وخل صدرك مدهلن لنشمي الفريد

من يبي العليا يبوك يكرم الضيفان
حكمة اجدادك من اول للجيل الجديد

وخل بالك للمجالس هيبتن مع لسان
لاتصير انت الضحوك ولاتيصر انت البليد

واحذر الثوره اليا جت من سلطان
الملوك الي يعاشرهم يعد نفسه فقيد

بيرقك ضايع معاهم ولالك اي عنوان
هذي وصاتي خلها بضلعك تقيد

واحذر الي من النسا ما لهم نيشان
القبايل كثيره والا اصايل تسيد

خل ضربك للعدو بسيف فنان
ولا تعطي الفرصه لنذل الجحيد

لك هيبه ولك مجد ولك شان
من نسل وافي كل عمره يبيد

نسل حر مثل لولو بمرجان
منخلط بعضه بعض لا ورب العبيد

حكمتي خلها بالك اذا تبغى الامان
حكمتن لك ولربعك ولراعي القصيد[/align]