رجال اللي بخمـر المـوت سكرانـه ؟

[align=center]بسم الله الرحمن الرحيم

الاخوة الكرام .. السلام عليكم ورحمة الله وبركاته

يسرني ويسعدني ان انقل اليكم هذه القيدة .....
.....واللتي لا اشك بأنها ستنال اعجاب الجميع ....
..... نظرا لمكانت شاعرها ودوره الاعلامي
وقوته الشعرية .. وهو غني عن التعريف لشهرته ......

الشاعر المعروف
.
.
.
.
.
.
.
مطلق بن فهد النومسي[/align]

[poem=font="Simplified Arabic,6,black,bold,normal" bkcolor="transparent" bkimage="backgrounds/7.gif" border="solid,4,black" type=0 line=0 align=center use=ex num="0,black"]
على الله سم ياقاف الشرف باسم الله الرحمـن = وصلوا عالذي صلـى عليـه الـرب سبحانـه
صلاة الله على محمد رسول الله فخـر عدنـان = عدد ماحام طيـرٍ فـي سمـاه ورف جنحانـه
وأمـا بعـد ياجمهـور ياشـعـار يامـيـدان = ترى الشعر وحياته بيـن جمهـوره وميدانـه
وانا مابيـن جمهـوره وميدانـه وحـان الان = يابن فتان موعـد قدحـة الشاعـر وصوانـه
فاذا للشعر عين وله خدود وله خشـم ولسـان = أنا عينـه وخشمـه لعنبـوا خديـه ولسانـه
وأنا عنيت لي ياأهل الجنوب من الكويت حصان = سلم راع الحصـان ولاسلـم لاسلـم حصانـه
على الله يابياض الوجه وينك عند اهل نجـران = وأهل نجران بيض وجيه مـن يامـه لهمدانـه
سلام الله على يام وسـلام الله علـى همـدان = سلام الله سلام توقـف الدنيـاء علـى شانـه
هنا يام العريضه منجـم الابطـال والشجعـان = هنا العز وهنا المجد وهنـا التاريـخ واعيانـه
هنا يوقف زمنـا باحتـرام ويعلـن الاذعـان = ليـا مرتـه هيبـة يـام والا صيـت صبيانـه
هل الحرب وهل السلم وجلا الظلم وعما العدوان = هل الخيل وهل الهيل وهـل المبخـر وعيدانـه
حديهم لالفاله ضيف واحـد يحسبـه ضيفـان = ولاتلقى سوى جـزل الذبايـح وسـط ديوانـه
ولاقـال ارحبـوا وأدخـل يدينـه داخـل الاذان = عرفت الصـدق قبـل يفـك للضيفـان بيبانـه
وهنا همدان بيت الامن والمعـروف والعرفـان = ذرى جنب الديـار وعـون عبـدالله واخوانـه
سباع رجال مافيهم دنـي نفـس وردي ايمـان = على موت الشرف يتسابق المشكـل وبزرانـه
كرمهم مايشابـه لـه ياكـود الوابـل الهتـان = والا ياحـي وبـال المـزون وحـي هتـانـه
وأنا شاعر وامثل في وقوفـي لابـة الويـلان = صناديد الرجال اللي بخمـر المـوت سكرانـه
فخر فينا الشمال من العراق اليـا ورى لبنـان = الى ماحـد نجـد ومـاورى ضلعـه وجيلانـه
يكفينا فخـر انـا بنـي عمـاً لابـن مرخـان = ملوك بلادنا وارض الحـرم والديـن واركانـه
وحنا شعـب واحـد ياعنـزه يايـام ياهمـدان = ولكـن مايضـر ان الرجـل يفخـر بجـدانـه
حقيقه والحقيقـه واضحـه ماحولهـا بهتـان = وعسى الله يطمس اللي يطمس اهل الحق بهتانه
اقوله يوم انا حليـت ضيـف بمنطقـة نجـران = واهل نجران بيض وجيه مـن يامـه لهمدانـه[/poem]

[align=center]وسلاااااااااااااااااامتكم
.
.
.
[/align]