مــــــوافــــف طـــريــفه ,,, تموووووت من الضحك

هــذي بــعــض المــواقــف الـطـريـفه او المـحـرجـه .. إن شالله تنال اعجابكم
.
.
.
.
.
.
(ولا الضالين) ..

موقف ما راح انساه كنت داخل مسجد وقت المغرب ومتأخر والامام يقرا في سورة بعد ما خلص من الفاتحة وكان الميكرفون متعطل المهم دخلت متحمس وبالحق على الصلاة معهم الا وعلى دخلتي اسمع الامام يقول (ضالين) وانا على دخلتي كبرت وقلت آمين .. الا واللي في الصف الاخير ماتوا من الضحك وقطعوا صلاتهم .. وانا احسب الامام في الفاتحه وهو يقرا سورة ثانية .. وسكت الامام شوي وكأن وده يضحك .. واناما علي قاصر ضحكت معهم المضحك اني كنت متحمس...

(كله من الثلج)

تقول كنا في مكة ايام الحج وكانت خيمتنا في مكان مرتفع بعيد عن سيـارات الماء .. ذهب أخوي يجيب (ثلـج) وجاب قطعة كبيرة شايلها فوق كتفه ثم جت ثنتين من خواتي الصغـار بيساعدونه على إنزال الثلج وكان حريص .. بحيث انه لف قطعة الثلج بإحرامه اللي على كتفه حتى ماتثـلـج (تبرد) يدين خواتي المهم خواتي سحبوا إحرامه (السفلي) بدلا من اللي فوق اللي فيه الثلج .. وبسرعة ... طاح الإحرام وطاح الثلج .. وطاحوا أخواتي من الضحك ..

(عسى ما نست)

مرة زوجتي غيرت الثوب ونقلت أغراضي من الثوب الأول إلى الثوب الجديد .. رحت أصلي الفجر وركبت السيارة وشغلتها وأنا أسوق تذكرت وقلت : عسى ما نست تحط المفاتيح في جيب الثوب ( والمفاتيح كلها بميدالية وحده طبعاً ) !! وأفتش جيوبي والله المشكلة مافيها مفاتيح .. وشلون إذا رجعت افتح الباب !! وانا محتار و أفكر يوم جيت ارجع إلى البيت وأطالع .. وألقى المفاتيح قدامي مشغل بها السيارة ..( والله الذكاء

(معرس بألف شوكة وشوكة)واحد تزوج على زوجته ( ومن الحرة اللي فيها )... جت في ليلة عرسه خذت ثيابه اللي بيلبسها ومسحت عليها قشر برشوم والبرشوم فاكهة لها اشواك رهيبة وماتنشاف
زين سوت

(الشغالـة)

اتصلوا علينا المطار قالوا ترى شغالتكم وصلت .. وعلى شان نفتك من تفويض استلام رحت بنفسي أخذ الشغالة ... المهم وصلت المطار وخذت الشغالة بطبيعة الحال معها شنطه فيها ملابسها .. استلمت الشغاله وطلعنا للسيارة فتحت شنطة السيارة على شان تحط شنطتها .. تفاجأت ... أن الشغاله مدت رجلها بتركب في الشنطه قدام العالم .. وانا ما مسكت نفسي ما قلت لها لا قعدت اضحك وما مسكت نفسي وقمت أشر لها على شان تنزل والعالم تضحك .. المهم في الاخير نزلت من الشنطه .. بس بعد ما كل الموجودين جاهم مسيل الدمووع من الضحك ..


(وش اللي صار)

فيه وحده من القديم تستحي مرة مرة .. ولما تزوجت كانت تستحي حتى تتكلم مع زوجها .. وكانوا الحريم يلومونها على هالحياء الزايد ويقولون لها لازم تحكين مع زوجك و تمزحين معه تدفينه بيدك مثلاً .. وصممت هالمرأة على كسر هالحاجز من الحياء الزايد ... ومرة من المرات هي وزوجها بالسطح يوم جاء الزوج بينزل مع الدرج ألا وهي تسرع وتدفه (تدفعه) وهي تبسم .. تدحرج المسكين وترن ترن مع هالدرج الى ان وصل آخر درجة وهو بعد ما استوعب وش اللي صــــــار …:(

لو اني بمكانه طلقتها هههههههههه

(مطر مفاجئ)وحده يوم عرسها بعد ما خلصت من التجميل والتسريحة .. يوم جت تطلع على الحريم والرزة على المنصة .. شافت بعض (الحمرة) في يدها دخلت تغسل يدها وفتحت الحنفية .. ومـادرت الا والدش يصب على راسها !!
قهررررررررر
:(
(تحريك جو)

فيه وحده تقول في اول ايام زواجي طلب مني زوجي ان افتح له علبة بيبسي .. وبغيت احرك الجو بشي من الفرفشة .. قمت وفتحت العلبة قدام وجهه و… يا للهول طاااااااش البيبسي على وجه وملابسه والجدار .. وانا مع خوفي جتني حاله هستيرية من الضحك وانا اشوف هالموقف ..

(تطبيق واقعي)

وفيه وحده بعد تقول في الاسبوع الاول من زواجي حلمت اني العب مع اخواني وقام اخوي الصغير واخذ شي من اغراضي وقمت الحقه حتى مسكته وقمت اضربه واصفقه .. يوم توقظت لقيت اني اضرب زوجي !!
!

(دايماً تصيــــر)
وهذي سالفة أمي قامت تلبس شرشف الصلاة تبي تصلي وفجأه رن التلفون ورفعت السماعه وبدل ماتقول ألو قالت الله أكبر هههههههههه وبصراحه عجزت تتكلم ورمت السماعه وطاحت من الضحك ........
ّّّّ~~~~~~~~~~~~~~~~~~~~~

(عــلب الصلصل)
سمعت من مصدر موثق ان بعض اهل القرى عندما راوا معلبات (صلصل الطماط)لي اول مرة ، وصارو يربطونه بحبل ، ويسقطونه في القدر اثناء الطبخ، ثما يخرجونها ويرمونها بعد ان استخلصو فائدتها !!!!!!!!!!!



(راح الحياا والسبب حصاه)

واحد في ليلة عرسه جالس في زاوية وزوجته في زاوية يكلمها وهي مستحية وتطالع الارض ..

ينطل نكتة (يستهبل) عليها .. البنت ماش تطالع في الارض ولا كن فيه احد جالس جنبها...!!

الولد من كثر ما يكلم نفسه وبنت الناس ساكته ..قال ياولد خلني اطنش واسكت شوي .. فجأة اصدقاء الرجل قالوا لازم ننكد عليه ليلة
زواجة (والله الغثاثة) ونحرجه قدام زوجته .. المهم قام واحد منهم وأخذ

حصاة وحلتها بها الشباك ...عاد تخيلوا سكون البنت وصمتها وصوت ضربة الشباك _قوية_ كانت

مفاجأة للبنت اللي يوم سمعت الصوت ومن الخوف والرعب طمرت وضمت زوجها من الخوف ...

الرجال استانس واعجبته الحركة ترك البنت على جنب وطالع من الشباك لقاهم اخوياه صاح لهم

وقال :ثانية شباب ثانية..الا وحدة حصاة في راسه ...ويا ليل ما اطولك ....وصارت البنت هي اللي تداويه ذيك الليلة وتنظف جروحه

راح الحيا وراح الخجل .. والسبب حصاة....!!!


(أحــفــظ زيــن)


عريس دخل على عروسته وحط يده على جبهتها !!!!!!!!
وبعدين سكت
ويفكر ويفكر
ويحاول الأخ يتذكر الدعاء
يدورمن هنا وإلا هناك ولا لقاه
واخر شيء قال
" الحمدلله الذي سخر لنا هذا وماكنا له مقرنين"
العروس ما استحملت الموقف انفجرت من الضحك !!!
(معذوره وش ذااااااا الأخ بيسافر!!! )


(طرطريق)

سأل المعلم احد طلابه :مامعنى كلمة سبيل؟ فقال:تعني طريق.ثم سأل طالبا آخر:مامعنى كلمة سلسبيل؟ فأجاب:طرطريق!!
.
.
.
.
أتمنــى ان تناال اعجاابكــم ....

هههههههههههههههههههههه
[align=center]
اللع يعطيك الف عافية اخ فيصل على المواقف الطريفة

واطرف وحد موقف هو( كله من الثلج) يموت من الضحك

تحيااتي لك[/align]

[align=center]تسلم اخوي فيصل علي هالمواقف الطريفة

تحيتي [/align]

اخوي فيصل تسلم علي المواقف

احلي موقف الشغالة

اخوي فيصل تسلم علي المواقف

احلي موقف الشغالة

[align=center]اما قصة الاحرام وطرطريق مو معقووووووووووووول

موتوني من الضحك


تسلم يافيصل ![/align]

والله سالفة الحصاه رهيبه

والأرهب منها هو انت ياالذيب

[align=center]ههههههههههههههههههههه

أحــفــظ زيــن)


عريس دخل على عروسته وحط يده على جبهتها !!!!!!!!
وبعدين سكت

واخر شيء قال
الحمدلله الذي سخر لنا هذا وماكنا له مقرنين

أحسن نكته[/align]